„სამოქალაქო მოძრაობა“ ინიციატივით გამოდის, პარლამენტში მანდატების რაოდენობა 150-იდან 100-მდე შემცირდეს

ჩვენი ინიციატივა საკონსტიტუციო რეფორმასთან დაკავშირებით მდგომარეობს იმაში, რომ საქართველოს პარლამენტში მანდატების რაოდენობა 150-იდან შემცირდეს ასამდე,”- ამის შესახებ “სამოქალაქო მოძრაობის” ერთ-ერთმა ლიდერმა, ლევან იოსელიანმა დღეს გამართულ პრესკონფერენციაზე განაცხადა.

„სამოქალაქო მოძრაობამ” საქართველოს პარლამენტის თავმჯდომარეს საპარლამენტო კომისიის მუშაობაში ჩართვის თხოვნით მიმართა, რომელიც საქმიანობას დაიწყებს პროპორციულ სისტემასთან დაკავშირებით.

იოსელიანის თქმით, საჭიროა ცვლილებები, რადგან პარლამენტის, როგორც ინსტიტუციის მიმართ, მოსახლეობის ნდობა წლიდან წლამდე მცირდება, რასაც ადასტურებს საერთაშორისო და ადგილობრივი ორგანიზაციების კვლევები.

„საქართველოს პარლამენტში უნდა იყვნენ აქტიური პარლამენტის წევრები, რომლებსაც გააჩნიათ საკუთარი აზრი ქვეყანაში მინდინარე პროცესებთან დაკავშირებით. რეალურად, ყველა წინა პარლამენტი, ძირითადად დაკომპლექტებული იყო,

განსაკუთრებით მმართველ პარტიაში, ტექნიკური პარლამენტარებით ანუ მდუმარე პარლამენტარებით, რომელთა ფუნქციაც იყო მხოლოდ კონკრეტულ მომენტში ღილაკზე ხელის დაჭერა. აქედან გამომდინარე, ჩვენ უნდა გავითვალისწინოთ სხვა ქვეყნების გამოცდილებაც და თუ გადავხედავთ ევროპულ ქვეყნებს, ვნახავთ, რომ საშუალოდ ერთ მანდატზე მოდის 35 ათასიდან 50 ათასამდე ამომრჩეველი, ჩვენთან ეს ციფრი მნიშვნელოვნად დაბალია - 23 ათასი. გარდა ამისა, არ არის უმნიშვნელო ხარჯები,

რომლებსაც წევს პარლამენტი პარლამენტარების და მთლიანად აპარატის შესანახად, ეს დაახლობით წელიწადში არის 51 მილიონი ლარი. პარლამენტარების რაოდენობის შემცირებით შემცირდება ხარჯი, რომლებსაც ჩვენ მოქალაქეები ვიხდით მდუმარე პარლამენტარების შესანახად.

პარლამენტის წევრების შემცირება ხელს შეუწყობს პოლიტიკური პარტიების პასუხისმგებლობის გაზრდას, რომ საკუთარი სია დააკომპლექტონ იმდაგვარი კანდიდატებით, რომლებიც პარლამენტში იმუშავებენ და დაკავებული იქნებიან საკანონმდებლო საქმიანობით.

აქედან გამომდინარე, მივმართავ როგორც მმართველ გუნდს, ისე ოპოზიციის წარმომადგენლებს, რომ მათ გარეშე ეს ცვლილებები ვერ განხორციელდება, ვიფიქროთ პარლამენტის წევრების შემცირების თაობაზე,”- განაცხადა იოსელიანმა.

იხილეთ ვიდეო

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე