მოსამართლეთა აქტივობა სოციალურ ქსელებში ბოლო წლების განმავლობაში აქტიურად განიხილება ევროპის ქვეყნებშიც, ეს არ არის შესწავლილი საკითხი და მასზე მზა პასუხები არ არსებობს, - ეს განცხადება ევროსაბჭოს ოფისის ხელმძღვანელმა საქართველოში კრისტიან ურსემ ჟურნალისტებთან პირველი საერთაშორისო ფორუმის „გამოხატვის თავისუფლება და სამოსამართლეო ეთიკის“ ფარგლებში გააკეთა.
მისივე თქმით, ფორუმზე ექსპერტებმა ჩეხეთისა და პორტუგალიის მაგალითები გაუზიარეს.
„დღევანდელი ღონისძიება მიეძღვნა სოციალური მედიის გამოყენებას სასამართლო ხელისუფლების მიერ და კონკრეტულად მოსამართლეების მიერ. მოსამართლეთა აქტივობა სოციალურ ქსელებში ბოლო წლების განმავლობაში აქტიურად განიხილება ევროპის ქვეყნებშიც, ეს არ არის შესწავლილი საკითხი და მასზე მზა პასუხები არ არსებობს. ჩვენი ექსპერტები წარმოადგენენ რამდენიმე ქვეყნის მაგალითებს და გამოცდილებას. მაგალითად, ჩეხეთისას და პორტუგალიისას ამ მიმართულებით. ამ ქვეყნებმა შეძლეს და გარკვეული რეგულაციები მიიღეს. სწორედ ამ რეგულაციებს განვიხილავთ და როგორ შეიძლება ეს რეგულაციები გამოადგეს საქართველოს თავისი საკუთარი რეგულაციების ჩამოყალიბებაში,“ - განაცხადა კრისტიან ურსემ.
შეგახსენებთ, ფორუმს, რომლის მიზანიც არის ცნობიერების ამაღლება გამოხატვის თავისუფლებასა და სამოსამართლო ეთიკაზე, ორგანიზებას უწევს დამოუკიდებელი ინსპექტორის სამსახური, ევროპის საბჭო, ევროკავშირის სასამართლო მხადაჭერის პროექტი და USAID-ის პროგრამა კანონის უზენაესობის მხარდაჭერა საქართველოში.