„ერთიანი ნაციონალური მოძრაობისა" და არასამთავრობო ორგანიზაცია „თავისუფალი ზონის" ორგანიზებით, გმირთა მოედნის მიმდებარე ტერიტორიაზე შინაგან საქმეთა მინისტრის, გიორგი გახარიას გადადგომის მოთხოვნით აქცია-პერფორმანსი მიმდინარეობს. მათ სიმბოლურად გმირთა მოედნის ესტაკატიდან პლაკატები წარწერით "გახარია წადი" გადმოფინეს. აქციაზე ინციდენტი მოხდა. აქციის მონაწილეების განცხადებით, ფიზიკური დაპირისპირება და შეხლა-შემოხლა პროვოკატორის გამოჩენამ გამოიწვია.
„გიორგი გახარია აუცილებლად უნდა წავიდეს. აუცილებლად უნდა დაისაჯოს იმ სისხლიანი ღამისთვის, რაც 20-21 ივნისს მოგვიწყო. ნამდვილად არ შერჩება გახარიას იმ თვალებდათხრილი ადამიანების სისხლი. ამ აქციით კი კიდევ ერთხელ შევახსენებთ მას, რომ ის არის სისხლიანი და აუცილებლად უნდა გადადგეს", - განაცხადა აქცია-პერფორმანსის ერთ-ერთმა ორგანიზატორმა მარიამ ბაშარულმა.