ზურაბ ჭიაბერაშვილი ეუთო-ს საპარლამენტო ასამბლეის სხდომაზე - საქართველოს ერთადერთი კონფლიქტი აქვს - ესაა კონფლიქტი რუსეთთან

„ევროპული საქართველოს“ წევრი ზურაბ ჭიაბერაშვილი ეუთო-ს საპარლამენტო ასამბლეის სხდომაზე, რომელსაც 56 ქვეყნის წარმომადგენელი ესწრებოდა, სიტყვით გამოვიდა და თბილისში მიმდინარე პროცესებზე ისაუბრა. „კოლეგებო, მე-16 დღეა ათიათასობით ქართველი თბილისში, პარლამენტის შენობის წინ აპროტესტებს რუსეთის მიერ აფხაზეთისა და ცხინვალის რეგიონის ოკუპაციას. მინდა მივესალმო მათ ამ დარბაზიდან. მომხსენებლისა და კოლეგების ყურადღებას მივაპყრობ იმ ფაქტს, რომ საქართველოს ერთადერთი კონფლიქტი აქვს - ესაა კონფლიქტი რუსეთთან. არსებობს ამ კონფლიქტის ეთნიკური შემადგენელი, მაგრამ უნდა გვახსოვდეს რომ რუსეთმა მოახდინა 90-იან წლებში ამ კონფლიქტის პროვოცირება და დღემდე იყენებს მას. სწორედ რუსეთია, როგორც ოკუპანტი, პასუხისმგებელი იმაზე, რომ ძვრა არ არის კონფლიქტის მოგვარებაში. სწორედ რუსეთია, როგორც ოკუპანტი, პასუხისმგებელი იმაზე, რომ ასი ათასობით დევნილი და ლტოლვილი ვერ ბრუნდება საკუთარ სახლში. სწორედ რუსეთია, როგორც ოკუპანტი, პასუხისმგებელი იმაზე, რომ ოკუპირებულ ტერიტორიებზე ადგილი აქვს ადამიანის უფლებების მასობრივ დარღვევებს“, - ზურაბ ჭიაბერაშვილი.

აღნიშნულ ინფორმაციას პარტია „ევროპული საქართველო“ ავრცელებს.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა