„ინტერპრესნიუსის“ ინფორმაციით, განათლების, მეცნიერების, კულტურისა და სპორტის მინისტრის ყოფილი პირველი მოადგილის მიხეილ გიორგაძის უფლება-მოვალეობებს მინისტრის მოადგილე ლევან ხარატიშვილი გადაიბარებს.
ხარატიშვილი საქართველოს განათლების, მეცნიერების, კულტურისა და სპორტის მინისტრის მოადგილე 2018 წლიდანაა. 2014 -2018 საქართველოს კულტურისა და სპორტის მინისტრის მოადგილე იყო.
უწყებაში აღნიშნულთან დაკავშირებით კომენტარს არ აკეთებენ, თუმცა, აცხადებენ, რომ მინისტრის მოადგილის თანამდებობაზე ჯერჯერობით კანდიდატების შერჩევა არ მიმდინარეობს.
ცნობისთვის, მინისტრის პირველმა მოადგილემ, მიხეილ გიორგაძემ თანამდებობის დატოვების შესახებ განცხადება დღეს სოციალურ ქსელში გააკეთა.
განათლების მინისტრს ამჟამად 4 მოადგილე ჰყავს: ლევან ხარატიშვილი, შალვა გოგოლაძე, ირინე აბულაძე და ნათია ზედგინიძე-ჯიშკარიანი.