ლაშა დარსალია - ერთადერთი ფორმატი, სადაც საქართველო და რუსეთი კონფლიქტის საკითხს განიხილავენ, ჟენევის ფორმატია

ერთადერთი ფორმატი, სადაც საქართველო და რუსეთი კონფლიქტის საკითხს განიხილავენ არის ჟენევის ფორმატი, - ამის შესახებ საგარეო საქმეთა მინისტრის მოადგილემ ლაშა დარსალიამ ჟურნალისტებს რუსეთის საგარეო საქმეთა მინისტრის მოადგილის გრიგორი კარასინის იმ განცხადების შეფასებისას განუცხადა, სადაც კარასინი ამბობს, რომ ჟენევის მოლაპარაკებების ერთადერთი ალტერნატივა ომია.

ლაშა დარსალიას განცხადებით, 48-ვე რაუნდი, რომელიც აქამდე ჩატარებულა ჟენევაში, ასეთი ნეგატიური ფონით მიმდინარეობდა.

"საქართველოს რუსეთთან ურთიერთობა აქვს ამ წლების განმავლობაში ისეთი, როგორიც აქვს - არც მეტი და არც ნაკლები. ერთადერთი ფორმატი, სადაც საქართველო და რუსეთი განიხილავენ კონფლიქტის საკითხს, ეს არის ჟენევის საერთაშორისო მოლაპარაკებები. სამწუხაროდ 48-ე რაუნდზე რამე წინსვლა არ გვქონია. შედგება შემდეგი რაუნდი, სადაც განიხილება როგორც იმ დროისთვის მიმდინარე ჰუმანიტარული და უსაფრთხოების პრობლემური საკითხები, ასევე ყველა ის საკითხი, რომელიც არაა გადაჭრილი დღემდე. როგორც ყველა სხვა რაუნდი, ეს რაუნდიც ნეგატიურად წარიმართა. რუსეთის დამოკიდებულება არის ისეთი, როგორიც არის. ჩვენ გვაქვს ასეთი დაძაბული ურთიერთობა უკვე 28 წელია. 11 წელია მიმდინარეობს ჟენევის ფორმატი, რომლის მთავარი თემა 6- პუნქტიანი შეთანხმების შესრულებაა. სამწუხაროდ, არც ერთ პუნქტზე ჩვენ წინსვლა არ გვაქვს 48 რაუნდის განმავლობაში", - განაცხადა ლაშა დარსალიამ.

იხილეთ ვიდეო

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ