თბილისის საკრებულოში დავით უჯმაჯურიძის ხსოვნისადმი მიძღვნილი ღონისძიება გაიმართა

დედაქალაქის წარმომადგენლობით ორგანოში, პროექტის ,,თბილისის ისტორიები საკრებულოდან“ წლის ბოლო ღონისძიება გაიმართა, რომელიც პროექტის ექვსი თვის საქმიანობის შეჯამებასა და თბილისის საკრებულოს თავმჯდომარის მოადგილის დავით უჯმაჯურიძის ხსოვნას მიეძღვნა.

ღონისძიებაზე, რომელსაც თბილისის საკრებულოს თავმჯდომარე გიორგი ტყემალაძე, საკრებულოს თავმჯდომარის მოადგილე მარიკა დარჩია, საკრებულოს დეპუტატები, დავით უჯმაჯურიძის ოჯახის წევრები, მეგობრები და მოწვეული სტუმრები ესწრებოდნენ, დავით უჯმაჯურიძის სახელობის ფონდი დაფუძნდა.

საქველმოქმედო ფონდი იმ წარმატებულ სტუდენტებს დააფინანსებს, რომლებიც უსახსრობის გამო, სწავლის გაგრძელებას ვერ ახერხებენ. დღევანდელ ღონისძიებაზე პირველი ასეთი სტუდენტი დააფინანსეს.

„ეს ტრადიციული დღეა. ყოველი თვის პირველ შაბათს თბილისის საკრებულო თბილისურ ისტორიებს მასპინძლობს. დღევანდელი დღე ნახევარი წლის საქმიანობის შეჯამებას და დათო უჯმაჯურიძის ხსოვნას მიეძღვნა. ჩვენ გადავწყვიტეთ დაგვეფუძნებინა დავით უჯმაჯურიძის სახელობის საქველმოქმედო ფონდი და დღევანდელ ღონისძიებასაც ასე ვუწოდეთ - „გაგრძელება იქნება...“. ფონდი ღირსეულ ახალგაზრდებს დააფინანსებს და ამით დათო უჯმაჯურიძე თავის სიცოცხლეს გააგრძელებს. ფონდის პირველი ნომინანტი კი სტუდენტი მედეა კილანავა გახდა“, - განაცხადა ღონისძიებაზე მარიკა დარჩიამ.

დედაქალაქის წარმომადგენლობით ორგანოში დღეს გამართულ ღონისძიებაზე მოწვეულ სტუმრებს სიტყვით თბილისის საკრებულოს თავმჯდომარემ გიორგი ტყემალაძემ მიმართა. მან დავით უჯმაჯურიძე გაიხსენა და მარიკა დარჩიას ფონდის დაარსებისთვის მადლობა გადაუხადა.

„საკრებულოს პროექტი „თბილისის ისტორიები საკრებულოდან“ დღეს დავით უჯმაჯურიძის ხსოვნას მიეძღვნა, ვინაიდან დათო სამწუხაროდ, უკვე თბილისის ისტორიას შეუერთდა. ჩვენ დღეს გავიხსენეთ ჩვენი მეგობარი, კოლეგა, ვისაუბრეთ მისი საქმიანობის შესახებ.

დღესვე, მარიკა დარჩიას ინიციატივით, დაფუძნდა დავით უჯმაჯურიძის სახელობის ფონდი, რისთვისაც მინდა მას მადლობა გადავუხადო. ფონდი საქველმოქმედო იქნება და ამით გაგრძელდება ის საქმე, რომელიც ყველაზე მეტად უყვარდა დათოს. დავით უჯმაჯურიძის ფონდი მომავალში ყველა იმ წარმატებულ ახალგაზრდას დაეხმარება რომლებიც ამას საჭიროებენ“, - განაცხადა საკრებულოს თავმჯდომარე გიორგი ტყემალაძემ.

ღონისძიების პარალელურად, თბილისის საკრებულოს თამარ მეფის სახელობის დარბაზში, მოყვარული მხატვრის, ბექა მშვილდაძის ნამუშევრების გამოფენა მოეწყო.

საკრებულოში შემეცნებით-კულტურული ხასიათის პროექტი, სახელწოდებით „თბილისის ისტორიები საკრებულოდან” წარმომადგენლობითი ორგანოს თავმჯდომარის მოადგილის, მარიკა დარჩიას ინიციატივით დაიწყო და ყოველი თვის პირველ შაბათს იმართება. პროექტი სექტემბრიდან კვლავ გაგრძელდება.

აღნიშნულ ინფორმაციას თბილისის საკრებულო ავრცელებს.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 25.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის