20 ივნისი თქვენ დაამსგავსეთ 9 აპრილს, - ამის შესახებ სასამართლოს სხდომათა დარბაზში 20-21 ივნისს რუსთაველის გამზირზე, პარლამენტის წინ განვითარებული მოვლენების დროს ჯგუფური ძალადობის ბრალდებით დაკავებულებიდან ერთ-ერთმა ბესიკ თამლიანმა განაცხადა. ამ წუთებში დაკავებული ოთხი პირის მიმართ აღკვეთის ღონისძიების შეფარდებაზე მსჯელობენ.
"ჯგუფური დანაშაული მიუძღვის ყველა ორგანოს, რომელმაც რუსი დეპუტატი შემოიყვანა პარლამენტში. იქ არ ცდილობდნენ პარლამენტში შესვლას, ეს იყო პროტესტი. 20 ივნისი თქვენ დაამსგავსეთ 9 აპრილს. ეს ყველაფერი ჰგავს ილია ჭავჭავაძის ამბავს, ილია ვარ, არ მომკლათო, რაზეც უთხრეს, ილია რომ ხარ, იმიტომ უნდა მოგკლათო. რუსმა ქართველის ხელით გააკეთა ეს",- განაცხადა თამლიანმა.
მის ამ განცხადებას სხდომათა დარბაზში ტაში მოჰყვა, აღნიშნულთან დაკავშირებით, მოსამართლემ დამსწრე პირები გააფრთხილა, რომ თუკი, ხმაური განმეორდებოდა, დარბაზიდან გააძევებდა.