„ახალი საქართველოს“  წევრი - „გავრილოვის სისხლიანმა ღამემ'' გვაჩვენა, რომ საქართველოში არსებობს ძალაუფლებაზე ჩაჭიდების სტადიაში მყოფი ხელისუფლება

მოქმედებებით ხელისუფლებამ საბოლოოდ დაკარგა ელექტორალური მხარდაჭერა და რაც მთავარია, მორალური უპირატესობა ყველა სხვა პოლიტიკურ ძალასთან მიმართებაში, - ამის შესახებ „პოლიტიკური პალტფორმა-ახალი საქართველოს“ პოლიტსაბჭოს წევრმა ნანა ტოხვაძემ განაცხადა. ტოხვაძემ ქვეყანაში 20-21 ივნისს და შემდგომ განვითარებულ მოვლენებზე ისაუბრა.

„20 ივნისის „გავრილოვის სისხლიანმა ღამემ'' გვაჩვენა, რომ საქართველოში არსებობს გამოფიტვის, ძალაუფლებაზე ჩაჭიდების სტადიაში მყოფი ხელისუფლება, რომელიც ცდილობს ნებისმიერ ფასად შეინარჩუნოს იგი. ჩვენ, როგორც შემდგარმა საზოგადოებამ ამ 15 დღის განმავლობაში, სამი მნიშვნელოვანი გაკვეთილი მივიღეთ: ძალაუფლების მილევად სტადიაში მყოფმა „ქართულმა ოცნებამ“ ჩათვალა, რომ ქართული საზოგადოება საკმარისად დაღლილია სიღარიბით, უიმედობით და ოკუპანტი ქვეყნის რბილი ძალის გავლენები თამამად მოსინჯა, რაზეც საკადრისი პასუხი მიიღო ამ ქვეყნის თავისუფალი მოქალაქეებისგან; სახელმწიფოებრივად მოაზროვნე ათეულობით ათასი ადამიანი აღარასდროს დაუშვებს ქვეყნის ღირსების და სუვერენიტეტის შელახვას, მით უფრო მთავრობის მიერ ძალაუფლების ნებსით თუ უნებლიედ, ბოროტად გამოყენებას; მოქმედმა ხელისუფლებამ, რომელიც თავს ჰუმანურ ძალად აჩვენებდა, ჩამოიხსნა ნიღაბი და საჭიროების დადგომისთანავე დიდი მონდომებით გამოიყენა სისასტიკე - იძალადა, დაარბია და ძალის გადამეტებით გაუსწორდა ანტისაოკუპაციო აქციის ასობით მშვიდობიან მონაწილეს. საბოლოო ჯამში, ამ მოქმედებებით ხელისუფლებამ საბოლოოდ დაკარგა ელექტორალური მხარდაჭერა და რაც მთავარია, მორალური უპირატესობა ყველა სხვა პოლიტიკურ ძალასთან მიმართებაში“, – განაცხადა ნანა ტოხვაძემ.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია