აქციის მონაწილეებმა, რომლებიც პარლამენტის შენობიდან ივანიშვილის ბიზნეს-ცენტრამდე "თავისუფლების მარშს" მართავენ, ამაღლების ქუჩაზე, შს მინისტრის გიორგი გახარიას სახლთან შეძახილებით გაიარეს.
"გახარია,წადი" - ამ შეძახილით დემონსტრანტებმა შს მინისტრს კიდევ ერთხელ მოუწოდეს, რომ დააკმაყოფილოს მათი მოთხოვნა და თანამდებობა დატოვოს.
„თავისუფლების მარშს", რომელიც რუსთაველის გამზირიდან ბიძინა ივანიშვილის სახლის მიმართულებით იმართება, პარტიები "ევროპული საქართველო" და "ნაციონალური მოძრაობა" შეუერთდნენ.
შეგახსენებთ, რომ რუსთაველის გამზირზე საპროტესტო აქცია მე-17 დღეა მიმდინარეობს მოთხოვნით, დატოვოს თანამდებობა შს მინისტრმა გიორგი გახარიამ.