20 ივნისის აქციის საქმეზე დაკავებულის დედა - ქვეყნის სიყვარულისთვის ხალხს რომ აპატიმრებდნენ, ალბათ, მარტო აქ ხდება
ქვეყნის სიყვარულისთვის ხალხს რომ აპატიმრებდნენ, ალბათ, მარტო აქ ხდება, - ამის შესახებ 20-21 ივნისს განვითარებულ მოვლენებზე ჯგუფურ ძალადობაში მონაწილეობაში ბრალდებული ბესიკ თამლიანის დედამ რუსუდან თამლიანმა განაცხადა. ბრალდებულის დედის შეფასებით, სასამართლოს გადაწყვეტილება, რომლის მიხედვითაც მის შვილს აღკვეთის ღონისძიების სახით პატიმრობა შეეფარდა, უსამართლოა.
„უსამართლო ქვეყანაში ვცხოვრობთ. ქვეყნის სიყვარულისთვის ხალხს რომ აპატიმრებდნენ მარტო აქ ხდება ალბათ“, - განაცხადა რუსუდან თამლიანმა.
თბილისის საქალაქო სასამართლომ აქციის საქმეზე, ჯგუფურ ძალადობაში მონაწილეობის ბრალდებით დაკავებულ ოთხივე პირს აღკვეთის ღონისძიების სახით პატიმრობა შეუფარდა.
