რადგან დაანონსდა, რომ დღეს პრაიდის ჩატარებას აპირებდნენ, ჩვენ აქ შევიკრიბეთ. დღის ბოლომდე არ დავიშლებით, თუ რაიმე პროვოკაციას ექნება ადგილი, მივალთ და გავცემთ საკადრის პასუხს, - ამის შესახებ ბიზნესმენმა ლევან ვასაძემ ჟურნალისტებს „ვერის ბაღში“ განუცხადა.

მისი თქმით, ისინი კანონის ჩარჩოებს არ გასცდებიან.

„ჩვენთვის კუკუდამალობანას თამაშს აზრი არ აქვს. რადგან დღეს დაანონსდა, რომ ისინი აპირებდნენ პრაიდის ჩატარებას, ჩვენ აქ შევიკრიბეთ. დღის ბოლომდე არსად არ დავიშლებით, თუ რაიმე პროვოკაციას ექნება ადგილი, მივალთ და გავცემთ საკადრის პასუხს. საკადრისი პასუხია ყველაფერი ის, რაც აქამდე მილაპარაკია. კანონის ჩარჩოებს ჩვენ არ ვცდებით და ვიცავთ წესრიგს“, - განაცხადა ლევან ვასაძემ.

„თბილისი პრაიდმა“ „ღირსების მარშის“ ჩატარება ჯერ კიდევ 20 ივნისისთვის დაგეგმა, თუმცა ქვეყანაში განვითარებული მოვლენების გამო ის გადაიდო. მარშის ჩატარება დღეისთვის დაანონსდა, რომელიც ასევე აღარ გაიმართება. მიუხედავად ამისა, პრაიდის მოწინაღმდეგე მოქალაქეების დღეს აქციებს სხვადასხავა ლოკაციაზე მართავენ და ამბობენ, რომ „ღირსების მარშის“ ჩატარება ვერ მოხდება.