ეკა ბესელია - კომბლებით და მათრახებით სიარული არ მგონია, რომ ჯანსაღი ამბავი იყოს

მათრახით და კომბლებით ლაპარაკი დღეს, 21-ე საუკუნეში პროტესტის ფორმის გამოხატვის იმიტაციაც არ უნდა იყოს, - ამის შესახებ დეპუტატმა ეკა ბესელიამ ლევან ვასაძის მიერ გაკეთებულ განცხადებებზე საუბრისას განაცხადა.

მისი თქმით, კერძო პირის მხრიდან მართლმადიდებლობისა და ეკლესიის სახელით საუბარი უხერხულია.

"ამ ქმედებებში პრობლემებს ვხედავ. სხვათა შორის, საპატრიარქოს განცხადებაში, რომელიც პირველად გავრცელდა და რომელიც მეორედაც გავრცელდა, ძალიან ნათლად იკითხებოდა, რომ საპატრიარქო ემიჯნებოდა ასეთ ძალადობრივ აქციას. მათრახით და კომბლებით ლაპარაკი დღეს, 21-ე საუკუნეში რაღაც იმიტაციაც არ უნდა იყოს პროტესტის ფორმის გამოხატვის. არ არის ეს ნორმალური ფორმა და მგონია, რომ ასეთი რეაქციაც არ არის ქვეყნისთვის სასარგებლო. ჯერ ერთი, ეკლესიისა და მართლმადიდებლობის სახელით მოქმედება და ამ მაღალი მორალისტური პოზიციებით, ეკლესიის სახელით საუბარი კერძო პირების მხრიდან, რბილად რომ ვთქვათ, ესეც ძალიან უხერხულია. არ მინდა, რომ ძალიან მკაცრი ვიყო შეფასებებში, მაგრამ რაც ხდება, მე არ მგონია, რომ მისაღები ფორმაა. მართლმადიდებლობა არ ნიშნავს ძალადობას და არც კომბლებით და ქამრებით სიარულს. მგონია, რომ ყველამ საკუთარი სახელით უნდა ილაპარაკოს. თუ ადამიანს ან ადამიანთა ჯგუფს მიაჩნია, რომ უნდა გამოხატოს თავისი პროტესტი იმ ადამიანთა მიმართ, ვისი ცხოვრების წესიც არ მოსწონს, ესეც უნდა იყოს გამოხატვის ფარგლებში. არ მიმაჩნია, რომ ეს ფორმები ნორმალური და მისაღებია ცივილიზებული სამყაროსთვის და თუნდაც, ქართული ტრადიციებისთვის. კომბლებით და მათრახებით სიარული არ მგონია, რომ იყოს ჯანსაღი ამბავი", - განაცხადა ბესელიამ.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ