სერგი კაპანაძე - ცვლილებებმა არ უნდა გააუარესოს პატარა პარტიების მდგომარეობა მაშინ, როდესაც "ქართული ოცნება" მილიარდერის დაფინანსებაზეა

მზად ვართ, საარჩევნო საკითხზე ცვლილებები განვიხილოთ სერიოზულად, მაგრამ ცვლილებები არ უნდა იყოს ისეთი, რომელიც გააუარესებს ოპიზიციური, პატარა პარტიების მდგომარეობას მაშინ, როდესაც "ქართული ოცნება" არის მილიარდერის დაფინანსებაზე, - ამის შესახებ „ევროპული საქართველოს“ წევრმა სერგი კაპანაძემ ჟურნალისტებს განუცხადა.

როგორც კაპანაძემ აღნიშნა, მნიშვნელოვანია როგორც პარტიების დაფინანსების საკითხი, ასევე, პერიმეტრის განსაზღვრა საარჩევნო უბნებთან, სადაც კაპანაძის თქმით, ხდება მობილიზება იმ ადამიანების, რომლებიც ამომრჩევლის ნებაზე ახდენენ გავლენას.

"ევროპული საქართველოსთვის" პირველ რიგში მნიშვნელვანი იყო პროპორციულ სისტემაზე დიალოგის დაწყება და ამ სისტემაზე გადასვლა. რადგანაც ეს სისტემა ინიცირებულია, შეგვიძლია თამამად მივიღოთ მონაწილეობა სხვა პოლიტიკურ ძალებთან ერთად საარჩევნო კოდექსის ცვლილებებში. ამ სამუშაო ჯგუფის ფარგლებში არის რამდენიმე საკითხი, რომელიც ჩვენთვის პრიორიტეტულია. მაგალითად, პერიმეტრის განსაზღვრა საარჩევნო უბნებთან, სადაც ხდება ხოლმე მობილიზება იმ ადამიანების, რომლებიც ამომრჩევლის ნებაზე ახდენენ ხოლმე გავლენას. ასევე მნიშვნელოვანი იქნება პარტიების დაფინანსების წესში ცვლილება, კონკრეტული კოეფიციენტების და იმ პარტიების განსაზღვრა, ვინც უნდა დაფინანსდნენ სახელმწიფო ბიუჯეტიდან. მზად ვართ, ეს ცვლილებები განვიხილოთ სერიოზულად, მაგრამ ცვლილებები არ უნდა იყოს ისეთი, რომელიც გააუარესებს ოპიზიციური, პატარა პარტიების მდგომარეობას მაშინ, როდესაც "ქართული ოცნება" არის მილიარდერის დაფინანსებაზე",- განაცხადა სერგი კაპანაძემ.

ცნობისთვის, საარჩევნო კანონმდებლობის რეფორმირების საკითხებზე შექმნილი სამუშაო ჯგუფის გასვლითი შეხვედრა იმართება.

საქართველოს პარლამენტის თავმჯდომარის, არჩილ თალაკვაძის ხელმძღვანელობით, ჯგუფის წევრები ეუთოს დემოკრატიული ინსტიტუტებისა და ადამიანის უფლებების ოფისის (OSCE/ODIHR) რეკომენდაციებზე იმსჯელებენ და მონაწილე სუბიექტების მიერ წარდგენილ წინადადებებს განიხილავენ.

სამუშაო ჯგუფმა, რომლის შემადგენლობაშიც პოლიტიკური პარტიების, ხელისუფლების ორგანოებისა და არასამთავრობო ორგანიზაციების წარმომადგენლები და საერთაშორისო პარტნიორები შედიან, მუშაობა მიმდინარე წლის ივნისში დაიწყო.

გასვლითი შეხვედრა სასტუმრო „ლოპოტა სპა რეზორტში“ იმართება.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ