საქართველოს პარლამენტის წევრი, შავი ზღვის ქვეყნების ეკონომიკური თანამშრომლობის საპარლამენტო ასამბლეის (PABSEC) იურიდიულ და პოლიტიკურ საკითხთა კომიტეტის თავმჯდომარის მოადგილე რამაზ ნიკოლაიშვილი, სამუშაო ვიზიტით ლუქსემბურგში იმყოფება.
დეპუტატი ეუთო-ს საპარლამენტო ასამბლეის ყოველწლიურ, რიგით 28-ე სესიაში იღებს მონაწილეობას.
სესიის დასკვნით დღეს, იგი ასევე დაესწრება ეუთო-ს საპარლამენტო ასამბლეის პრეზიდენტის ყოველწლიურ არჩევნებს.
რამაზ ნიკოლაიშვილი ღონისძიებაზე შავი ზღვის ეკონომიკური თანამშრომლობის საპარლამენტო ასამბლეის (PABSEC) გენერალურ მდივანთან - ასაფ გაჯიევთან ერთად, საერთაშორისო სამდივნოს მიწვევით იმყოფება.
აღნიშნულ ინფორმაციას „ევროპული საქართველო“ ავრცელებს.