ევროკავშირის საბჭოს პრეზიდენტი დონალდ ტუსკი უკრაინაში ჩავიდა.

მას უკრაინის პრეზიდენტმა ვლადიმერ ზელენსკიმ უმასპინძლა. ლიდერები ქვეყნის აღმოსავლეთში ლუგანსკის რეგიონს ეწვივნენ, უკრაინელ სამხედროებს გაესაუბრნენ და პრორუსი ამბოხებულების მიერ კონტროლირებად ტერიტორიებთან ახლოს მივიდნენ.

უკრაინის აღმოსავლეთ რეგიონში უკვე ხუთი წელია უკრაინელ სამხედროებსა და რუსეთის მხარდაჭერილ ჯარისკაცებს შორის დაპირისპირება მიმდინარეობს. კონფლიქტს ამ დრომდე 13 000 ადამიანი შეეწირა. ოფიციალური მოსკოვი სეპარატისტების დახმარებას უარყოფს.