რუსეთთან კონფლიქტის მუდმივი პროვოცირება სჭირდებათ რადიკალურ ძალებს საქართველოში, რომელთა მიზანიც არსებული ხელისუფლების დამხობაა, - ამის შესახებ ჟურნალისტებს რუსეთის სახელმწიფო სათათბიროს თავმჯდომარემ, ვიაჩესლავ ვოლოდინმა განუცხადა.
„საქართველოში სიტუაციის გაუარესება გრძელდება. რუსეთთან კონფლიქტის მუდმივი პროვოცირება, პოლიტიკური სიტუაციის დესტაბილიზაცია სჭირდებათ საქართველოს რადიკალურ ძალებს, რომელთა მიზანიც - არსებული ხელისუფლების დამხობაა“, - განაცხადა რუსეთის ფედერაციის პარლამენტის ქვედა პალატის თავმჯდომარემ.
მისივე თქმით, „ასეთ მიუღებელ საქციელში არაფერი გასაკვირი არ არის, რადგანაც რადიკალების მოქმედებები იმართება აშშ-ის სახელმწიფო დეპარტამენტის და მათი მარიონეტის, საქართველოს ექსპრეზიდენტის მიხეილ სააკაშვილის მიერ, რომლებმაც დიდი ხანია რუსოფობია გახადეს თავისი პოლიტიკური საქმიანობის საფუძვლად“.
„ცხადია, რომ ცოტა ხნის წინ საქართველოს პარლამენტში მომხდარი და გუშინდელი გამოხტომა - ერთი ჯაჭვის რგოლებია“, - მიაჩნია ვოლოდინს.
დუმის სპიკერმა ივარაუდა, რომ „სიტუაციის შემდგომ დაძაბვას მომავალშიც ეცდებიან რადიკალების ჯგუფი და მათი დასავლელი კურატორები.