ლევან ვასაძე - ქართველებო, კაცებო, ქალბატონებო, არ გვინდა ის მეთოდები, რომლითაც ეს დემონები ოპერირებენ - ვერაფერს გაგვიბედავენ, დიდი დიდი, თავზე რაღაც სათამაშო გადმოგვიფრინონ

არც ხვალ და არც შემოდგომაზე არაფერი გამოუვათ, ჩვენი დამოკიდებულება არის მუდმივი და არაფერი იცვლება, - ამის შესახებ ბიზნესმენმა ლევან ვასაძემ „თბილისი პრაიდის“ წარმომადგენლების მიმართ პარლამენტთან მიმდინარე აქციაზე მას შემდეგ განაცხადა, რაც პარლამენტის შენობის მიმდებარედ დრონის მეშვეობით ლგბტ დროშამ გადაიფრინა.

როგორც ლევან ვასაძემ პარლამენტთან შეკრებილ მხარდამჭერებს მიმართა, უმჯობესია პროტესტის გამოხატვისთვის უფრო ცივილურ და „კაცურ“ ფორმაზე გადავიდნენ.

„ვისაც უნდა მოვიდეს და რაც უნდა ის გვიქნას, ჩვენ აქედან არ დავიშლებით ამ დღის ბოლომდე, სანამ არ დადასტურდება, რომ პრაიდის ჩატარება გაუქმდა. თქვეს, რომ გავაუქმებთო, მაგრამ ეგრე არ არის ძმაო, გამოაცხადე, გააუქმე. ხომ თქვით, რომ დღეს იქნებოდა?! გითხარით, არ იქნება. ხომ თქვით, რომ ერთი კვირა უნდა ვატაროთო?! ხომ არ ჩაგატარებინეთ. აი ზუსტად ასე არ ჩაგატარებინებთ არასდროს. მამათმავლობისა და ყველანაირი სხვა გარყვნილების ზეიმი საქართველოში არ შედგება. ერთი და იგივე როდემდე ვიმეოროთ?! ამიტომ, ჩემი მიმართვა, ჩემი თხოვნა, ჩემი მოფერება და ძმობა აქ შეკრებილი საზოგადოების მიმართ იქნება - ქართველებო, კაცებო, ქალბატონებო წყნარად და დინჯად. არ გვინდა ის მეთოდები, რომლითაც ეს დემონები ოპერირებენ. არ გვინდა გინება, დაძაბვა, ყვირილი. ჩვენ წყნარად ვართ. ძლიერი კაცი წყნარად არის. მოგვიწყობენ პროვოკაციას? დავმშვიდდეთ, პასუხს წყნარად გავცემთ. ვერაფერს გაგვიბედავენ, დიდი დიდი, თავზე რაღაც სათამაშო გადმოგვიფრინონ. წყნარად ვართ, ერთად ვართ, ბევრნი ვართ და გვიყვარს ჩვენი სამშობლო“, - განაცხადა ვასაძემ.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ