ანტისაოკუპაციო აქციის მონაწილეებმა პუშკინის სკვერიდან პარლამენტის მიმართულებით მსვლელობა დაიწყეს.
აქციის მონაწილეებს სამართალდამცავებმა სთხოვეს, პროტესტი პუშკინის სკვერშივე დაეფიქსირებინათ და პარლამენტისკენ გადაადგილებისგან თავი შეეკავებინათ, თუმცა ანტისაოკუპაციო აქციის მონაწილეებმა გადაწყვეტილების შეცვლაზე უარი თქვეს.
მსვლელობის მონაწილეები რუსთაველის გამზირზე საქართველოსა და ნატო-ს დროშებით არიან მისული. ისმის შეძახილები "მშვიდობა", "გახარია წადი".
აღსანიშნავია, რომ პოლიციას რუსთაველის გამზირზე კორდონი აქვს გაკეთებული, რაც ორი საპირისპირო აქციის მონაწილეებს ერთმანეთისგან მიჯნავს.