აქციის მონაწილეთა ნაწილის ინფორმაციით, ლგბტ თემის მოწინააღმდეგე აქციის ერთ-ერთმა მონაწილემ ანტისაოკუპაციო აქციის წარმომადგენლებს სიტყვიერი შეურაცხყოფა მიაყენა.
კერძოდ, როგორც ჟურნალისტებს „ევროპული საქართველოს“ ერთ-ერთმა ლიდერმა გიგა ბოკერიამ განუცხადა, „შავრაზმული პროპუტინული ჯგუფიდან ერთი ადამიანი ანტისაოკუპაციო აქციის მხარეს გადავიდა და გინება დაიწყო“.
„მათგან არ მიკვირს. რამდენი ხანი უნდა ჰყავდეს ივანიშვილს ეს პროპუტინისტური ჯგუფები? ეს ყველაფერი არის მართული და ამას აღარც მალავენ. ანტისაოკუპაციო აქციის მონაწილეებს ესვრიან ბოთლებს, სხვადასხვა ნივთებს და პოლიცია დგას, რადგან ივანიშვილისგან აქვს ბრძანება. ეს ხალხი აღარც გვიმალავს, რომ თავიანთი ძალაუფლების შესანარჩუნებლად ეს ჯგუფები აქვთ შექმნილი, თუმცა ძალაუფლების შენარჩუნებას ვერ შეძლებენ“, - განუცხადა ბოკერიამ ჟურნალისტებს.