მთავრობა მცირე სასტუმროებისთვის საბანკო სესხების პროცენტების თანადაფინანსებას უზრუნველყოფს, ახლების მშენებლობის გარანტად კი სახელმწიფო დადგება

მთავრობა მცირე სასტუმროებისთვის საბანკო სესხების პროცენტების თანადაფინანსებას უზრუნველყოფს, ხოლო ახლების მშენებლობის გარანტად სახელმწიფო დადგება, - აღნიშნული გადაწყვეტილება პრემიერ-მინისტრმა მამუკა ბახტაძემ ბიზნესასოციაციის წარმომადგენლებს დღევანდელ შეხვედრაზე გააცნო. ამის შესახებ „ინტერპრესნიუსს“ მთავრობის ადმინისიტრაციიდან აცნობეს.

როგორც მთავრობის მეთაურმა აღნიშნა, საქართველოში ტურიზმი ერთ-ერთი ყველაზე სწრაფად მზარდი სექტორია, სადაც მოქალაქეების ძალიან დიდი ნაწილია დასაქმებული და ხელისუფლების ამოცანაა, დაიცვას საკუთარი მოქალაქეების ეკონომიკური ინტერესები.

სწორედ ამ მიზნით, პრემიერ-მინისტრის დავალებით, მცირე სასტუმროებისთვის სესხების პროცენტის თანადაფინანსება განხორციელდება, ხოლო საკრედიტო-საგარანტიო მექანიზმის ფარგლებში პრიორიტეტი მიენიჭება ტურიზმის ინდუსტრიას და სასტუმრო ბიზნესს, რათა განვითარებისა და გაფართოების ახალი პროექტები არ გაჩერდეს.

ბიზნესის წარმომადგენლებთან საუბრისას განხილული იყო სხვა კონკრეტული ნაბიჯები, რომელთა გადადგმასაც ხელისუფლება გეგმავს, რათა ტურიზმის ბიზნესისთვის შესაძლო ზიანი მინიმუმამდე შემცირდეს.

მათ შორისაა აგრესიული მარკეტინგული კამპანია ქვეყნის უსაფრთხო იმიჯის განმტკიცებისა და ეკონომიკის კონკურენტუნარიანობის კიდევ უფრო გაზრდისთვის. ამავდროულად, გაკეთდება ყველაფერი ტრადიციული ბაზრების შესანარჩუნებლად.

პრემიერმა და ბიზნესასოციაციის წევრებმა ბიზნესისთვის საინტერესო სხვა მნიშვნელოვანი საკითხებიც განიხილეს. შეხვედრა კითხვა-პასუხის რეჟიმში წარიმართა და მასში საქართველოს ეკონომიკისა და მდგრადი განვითარების მინისტრი ნათია თურნავა, ფინანსთა მინისტრი ივანე მაჭავარიანი, პრემიერ-მინისტრის მრჩეველი რეგიონული განვითარების საკითხებში სოზარ სუბარი და ტურიზმის ეროვნული ადმინისტრაციის ხელმძღვანელი მარიამ ქვრივიშვილი მონაწილეობდნენ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა