„თბილისი პრაიდის“ საწინააღმდეგო აქციის მონაწილეთა ნაწილი აცხადებს, რომ დაშლას არ აპირებენ. მათი თქმით, პარლამენტის წინ დარჩებიან მანამდე, სანამ მათი მოთხოვნები არ დაკმაყოფილდება - გაუქმდეს ანტიდისკრიმინაციული კანონი და აიკრძალოს საჯაროდ გარყვნილების პროპაგანდა.
ამასთან, ისინი პოლიციას ნახევარი საათიდან ერთ საათამდე ვადას აძლევენ, რომ მოსწავლე ახალგაზრდობის სასახლის წინ მიმდინარე აქცია დაშალონ. ამის შემდეგ კი, ისინი კარვების აღებას და დაშლას გეგმავენ.
თავად ლევან ვასაძის განცხადებით კი, აქცია გაგრძელდება ისე, როგორც „ხალხი ინებებს“.
შეგახსნებთ, რომ ცოტა ხნის წინ „თბილისი პრაიდის“ საწინააღმდეგო აქციის მონაწილეებმა დაშლის და აქციის მომდევნო დღის გადაწყვეტილება მიიღეს.