რამაზ საყვარელიძე - რუსეთს სჭირდება ჰიბრიდული, ეკონომიკური ომი და მივიღეთ კიდეც ეს ომი

რუსეთს სჭირდება ჰიბრიდული, ანუ ეკონომიკური ომი და მივიღეთ კიდეც ეს ომი, - ამის შესახებ პოლიტოლოგმა რამაზ საყვარელიძემ განაცხადა.

საყვარელიძის თქმით, რუსეთს სურს ქართული ეკონომიკა ჩაიძიროს და ამისთვის ყველაფერს გააკეთებს.

„მოვლენები დაიწყო რუსი პოლიტიკოსის ჩამოსვლით, შემდეგ იყო პროტესტი, რასაც მოჰყვა გახარიას შეცდომა, პროცესი გაგრძელდა და გაბუნიას გამოსვლაც დაემატა. მე დიდი ეჭვი მაქვს, რომ არც გავრილოვის თავხედობა იყო შემთხვევითობა, მას მომზადებული დახვდა აქ პოლიტიკოსების გარკვეული ნაწილი, სასწრაფოდ ჰქონდათ რეაქცია“, - განაცხადა საყვარელიძემ.

ამასთან, მან აღნიშნა, რომ ომი არ დაიწყება, ეს არ სჭირდება რუსეთს.

„მას ერთი ომი აქვს უკრაინასთან და ის ყოფნის მსოფლიოსთან საჭიდაოდ. მას სჭირდება ჰიბრიდული ომი, ანუ ეკონომიკური ომი და მივიღეთ კიდეც ეს ომი. ტურისტები, გადმორიცხვების შემცირება, ღვინის ექსპორტი და ასე შემდეგ. მათი მიზანია საქართველოს ეკონომიკა ჩამოიშალოს და ჩვენ ამ მიზანს ჩვენი ემოციურობით ხელს ვუწყობთ. რუსებმა მცირე პროვოცირება გაგვიკეთეს და მერე ხელები დაიკრიფეს, გვიყურებენ როგორ მივდივართ იქით, საითაც მათ სურთ და ახლა მათ სურს ეს, რომ ქართული ეკონომიკა ჩიხში შევიდეს. ქართული ეკონომიკის გადარჩენა არის ინვესტიციები, მაგრამ ასეთ ქვეყანაში, ასეთ დედაქალაში, რასაც ყოველ ღამე ჩვენ ვუყურებთ, ინვესტიციებს არ ჩადებენ. ინვესტიციებზეა დამოკიდებული არა მარტო ქვეყნის შიდა ბიზნესი, არამედ ისეთი საერთაშორისო პროექტი, როგორიცაა ანაკლიის პროექტი. ასევე, სტაბილურობაზეა დამოკიდებული ისეთი საერთაშორისო პოლიტიკური პროექტი, როგორიცაა აეროპორტების მშენებლობა, ეს ყველაფერი რუსეთმა დააყენა დარტყმის ქვეშ. შედეგიანი იქნება თუ არა ეს დარტყმა არავინ იცის. რეაქციები ქართული სახელმწიფო ფიგურების, გასაგებია, ეკონომიკის დაცემაზე პასუხი მათ მოეთხოვებათ“, - განაცხადა საყვარელიძემ.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
ქართული პრესის მიმოხილვა 21.09.2020
რევაზ კოპალაძე - ქვეყნებში, სადაც გულშემატკივრობენ საქართველოს, მტკივნეულად აღიქვამენ სახელმწიფოს ჩარევას „კავკასუს ონლაინის“ სამეწარმეო თავისუფლებაში
რან გიდორი - სწრაფვა მშვიდობისკენ კორონავირუსის დასამარცხებლად