აკაკი ცომაია - თუკი რუსეთის მხრიდან სანქციები ქმედითი გახდა, ლარი ალბათ კიდევ გაუფასურებას დაიწყებს

თუკი რუსეთის მხრიდან სანქციები ქმედითი გახდა, ლარი ალბათ კიდევ გაუფასურებას დაიწყებს, - ამის შესახებ „ინტერპრესნიუსს“ ეკონომიკის ექსპერტმა აკაკი ცომაიამ ლარის კურსთან დაკავშირებით განუცხადა.

მისი თქმით, ლარის გაუფასურება გამოწვეულია მოლოდინების ფაქტორით, რაც თავის მხრივ, ქვეყანაში მიმდინარე პროცესებს უკავშირდება.

„ამ წუთას რაც ხდება, ეს არის მოლოდინების ფაქტორი, გამომდინარე იქიდან, რა განცხადებაც კეთდება ოფიციოზის მეშვეობით როგორც საქართველოში, ასევე რუსეთში. კონკრეტულად ის, რომ მოხდება იმპორტის შეზღუდვა, რუსეთის ბაზრიდან შეიზღუდება გადმორიცხვები და ასე შემდეგ. ბუნებრივია, ეს აჩენს მოლოდინს და ბაზარზე ადგილი აქვს აჟიოტაჟს. შესაბამისად, ამ მომენტისათვის ეს კურსი დაიკლებს, მაგრამ თანდათანობით, სავარაუდოდ, ალბათ დაიწყებს გაუფასურებას, თუკი ეს სანქციები ქმედითი გახდა“, - განაცხადა აკაკი ცომაიამ.

ამასთან, კითხვაზე უნდა ველოდოთ თუ არა ლარის მეტად გაუფასურებას, აკაკი ცომაიამ უპასუხა, რომ ეს არავინ იცის. მისი თქმით, „მოცემულ სიტუაციაში მოკლევადიანი აჟიოტაჟი რა გავლენას ახდენს ლარზე, ეს არის მეორე თემა, რომლის ახსნაც შეუძლებელია“.

„სადამდე გაუფასურდება ლარი, ამისი თქმა შეუძლებელია. სიტუაციას უნდა შევხედოთ არა ამ წუთას ჯიხურებში რაც ხდება, არამედ უნდა შევხედოთ ისე, რომ ტრენდი იქნება გაუფასურებისაკენ“, - განაცხადა აკაკი ცომაიამ.

შეგახსენებთ, რომ კომერციულ ბანკებში ერთი აშშ დოლარის ღირებულება 2.97 ლარს აჭარბებს.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს