თენგიზ ფხალაძე - რუსეთში აკვირდებიან მოვლენებს და არ იმეორებენ იმ შეცდომებს, რაც დაუშვეს 2006 წელს, როდესაც ისტერია იყო ქართველებთან მიმართებაში

როგორც ჩანს, რუსეთში აკვირდებიან მოვლენებს და არ იმეორებენ იმ შეცდომებს, რომელიც დაუშვეს 2006 წელს, როდესაც ისტერია იყო ქართველებთან მიმართებაში, - ამის შესახებ „ინტერპრესნიუსს“ საგარეო ურთიერთობათა საკითხებში საქართველოს ყოფილი პრეზიდენტის მრჩეველმა თენგიზ ფხალაძემ განუცხადა.

როგორც ფხალაძემ აღნიშნა, რუსულ ბაზარზე ჩამოკიდება ყოველთვის არის დაკავშირებული რისკებთან, რაც დათვლილი უნდა იყოს.

„როგორც ჩანს, რუსეთში აკვირდებიან მოვლენებს და არ იმეორებენ იმ შეცდომებს, რომელიც დაუშვეს 2006 წელს, როდესაც ისტერია იყო ქართველებთან მიმართებაში და მე მახსოვს ეს პერიოდი, როგორ დევნიდნენ ქართველებს და ყველაფერს ქართულს. როგორც ჩანს, ახლა ეს გაითვალისწინეს. მეორეს მხრივ, ეს არის მცდელობა „კეთილი მეგობრის“ როლი ითამაშოს და ერთგვარი „რბილი ძალის“ გამოვლინებაა - მიუხედავად ამის ჩვენ არ გსჯით და ასე შემდეგ. ნებისმიერ შემთხვევაში, ეს მათი გადაწყვეტილებაა. საქართველოს რაც ნაკლები პრობლემა ექნება, მით უფრო კარგია. გარკვეული სანქციები უკვე ძალაშია და ჩვენ ვხედავთ რაც ხდება ტურისტებთან და ავიამიმოსვლასთან დაკავშირებით. აქ საუბარია დამატებით სანქციებზე და რადგანაც ეს განცხადება გაკეთდა, ვლადიმერ პუტინის მხრიდან, დიდი ალბათობით, ეს აღსრულდება და მეორე ტალღა არ იქნება განხორციელებული. მგონი, ეს ძალიან დასაფიქრებელი უნდა იყოს ჩვენთვის, ჩვენი ბიზნესისთვის. ზოგადად, ჩვენთვის ყველასთვის ერთ დღეში შეიძლება შეტრიალდეს სიტუაცია და შეიცვალოს. ამიტომ ძალიან ჩამოკიდება რუსულ ბაზარზე, ძალიან მიბმა ყოველთვის არის დაკავშირებული რისკებთან. ეს რისკები უნდა იყოს დათვლილი და შესაბამისად, ფიქრიც მანამდე უნდა დავიწყოთ, ვიდრე ურემი გადაბრუნდება“, - განაცხადა თენგიზ ფხალაძემ.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს