რუსთაველის გამზირზე, პარლამენტის წინ აქცია დასრულდა. აქციის ორგანიზატორების ინფორმაციით, გიორგი გახარიას გადადგომის მოთხოვნით,აქცია 10 ივლისს, 19:00 საათზე განახლდება.
კერძოდ, აქციის ფარგლებში, პარლამენტის წინ ფოტოხელოვანების გამოფენა გაიმართება. გამოფენაზე საქართველოს ისტორიაში ძალოვანი უწყებების მხრიდან ძალის გადამეტების და დარბევის ამსახველი ფოტოები გამოიფინება.
დღეს, პროტესტის მე-20 დღეს, აქციის მონაწილეებს სიტყვით სამოქალაქო საზოგადოების და ხელოვნების წარმომადგენლებთან ერთად, პოლიტიკოსებმაც მიმართეს. მათ შორის იყვნენ დავით ბერძენიშვილი, ალეკო ელისაშვილი, ელენე ხოშტარია, ხატია დეკანოიძე და სხვები.
სპიკერებმა გუშინ რუსთაველის გამზირზე განვითარებული მოვლენები შეაფასეს.