დიმიტრი პესკოვი - საქართველოსთან ავიამიმოსვლის აღდგენაზე ლაპარაკი ჯერ ადრეა

კრემლს ნაადრევად მიაჩნია საქართველოსთან ავიამიმოსვლის აღდგენაზე ლაპარაკი. სიტუაციას დავაკვირდებით, - ამის შესახებ ჟურნალისტებს რუსეთის პრეზიდენტის ვლადიმერ პუტინის პრესმდივანმა, დიმიტრი პესკოვმა განუცხადა.

მისივე თქმით, საქართველოსთან ფრენების აკრძალვა იძულებითი ნაბიჯია, შესაბამისად, სიტუაციაზე მუდმივი მონიტორინგი განხორციელდება.

„როგორც კი გაჩნდება იმის ნიშნები, რომ სიტუაცია ნორმალიზებულია რუსი ტურისტებისთვის, რუსოფობიული გამოვლინებების შედეგი გაქრა, მაშინ იქნება ანალიზისა და სხვა გადაწყვეტილებების მიღების დრო, ჯერ ამაზე ლაპარაკი ადრეა. რა თქმა უნდა, ჩვენ იმედი გვაქვს, რომ ადრე თუ გვიან ეს მოხდება, მაგრამ ჯერ, ქართული საზოგადოების ასეთი ძლიერი პოლარიზაციისას, თან ექსტრემისტული ელფერით, რუსოფობიური გამოვლინებებით, არსებობს საქართველოში რუსი ტურისტების დიდი რაოდენობის ყოფნის ობიექტური საშიშროება“, - განაცხადა პესკოვმა.

პესკოვის თქმით, საქართველოში არსებულმა ანტირუსულმა განწყობილებებმა ლოგიკურად გამოიწვია ფართო საზოგადოებრივი რეაქცია. მან ხაზი გაუსვა, რომ "ლექსიკა, რომელიც ჟღერს საპასუხო გამოხტომებში რუსეთის ტელევიზიაში, არ არის რუსეთის ფედერაციის პოლიტიკოსების პასუხისმგებლობის სფერო."

„საშინელი რუსოფობიური გამოვლინებები აუცილებლად იწვევს ფართო საზოგადოებრივ რეაქციას. თქვენ ხედავთ, როგორი ერთსულოვანი პოზიცია დაიკავეს ჩვენმა სახალხო რჩეულებმა -პარლამენტარებმა. თქვენ ხედავთ, რიგითი მოქალაქეები საკმაოდ მრისხანედ რეაგირებენ ამაზე. ამიტომ ეს აბსოლუტურად სხვადასხვა განზომილებაა“, - თქვა რუსეთის პრეზიდენტის პრესმდივანმა და დასძინა: „ერთია მიზანმიმართული გამოხტომები, სხვა საქმეა საზოგადოებრივი რეაქცია ამაზე“.

შეგახსენებთ, რომ რუსეთის პრეზიდენტმა ვლადიმირ პუტინმა 21 ივნისს ხელი მოაწერა ბრძანებას, რომლის მიხედვით, 8 ივლისიდან რუსულ ავიაკომპანიებს საქართველოს მიმართულებით ფრენები აეკრძალათ. რაც შეეხება ქართულ ავიაკომპანიებს, რუსეთის მიმართულებით მათი რეისებიც 8 ივლისიდან შეჩერდა. ამის მიზეზი რუსეთის ტრანსპორტის სამინისტროს გადაწყვეტილებაა. როგორც რუსეთის ტრანსპორტის სამინისტროს მიერ გავრცელებულ ინფორმაციაშია აღნიშნული, ამის მიზეზია სათანადო საავიაციო უსაფრთხოების უზრუნველყოფა და ასევე ვადაგადაცილებული დავალიანება.

იხილეთ ვიდეო: დიმიტრი პესკოვი - საქართველოსთან ავიამიმოსვლის აღდგენაზე ლაპარაკი ჯერ ადრეა

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან