დიდი ბრიტანეთის ხელისუფლებამ რუს დიპლომატს, რუსეთის საგარეო საქმეთა სამინისტროს თანამშრომელს, რომელიც ინგლისში მასმედიის თავისუფლების შესახებ დაგეგმილ კონფერენციაზე იყო აკრედიტებული, ქვეყანაში შესასვლელი ვიზა არ მისცეს. ამის შესახებ ბრიტანეთში რუსეთის საელჩოში განაცხადეს.

მათი თქმით, ამ დრომდე პრობლემად რჩება რუსეთიდან ინგლისში მივლინებით გაგზავნილი რუსი დიპლომატებისთვის ვიზების გაუცემლობის თემა. რუსეთის სალეჩოში ამ კონკრეტულ შემთხვევაზე განაცხადეს, რომ კონფერენციაზე მიმავალი დიპლომატისთვის ვიზის მიუცემლობა ველურობაა.

„ბრიტანელებმა რუსული მხარე თავად მიიწვიეს, აკრედიტაცია თავად გაუკეთეს, შემდეგ კი თავად თქვეს უარი ვიზის მიცემაზე“ ,- განაცხადეს რუსეთის სალჩოში.

კონფერენცია, რომელიც ლონდონში 10-11 ივლისს იმართება, 100-ზე მეტი ქვეყნის დელეგაცია მონაწილეობს, მათ შორის 60 მინისტრი და 1500-ზე მეტი ჟურნალისტი.