ბათუმში საერთაშორისო კონფერენციის პარალელურად მიმდინარე აქციის მონაწილეებმა, პუტინის ბანერს ფეხით გადაუარეს

ბათუმში, სასტუმრო „შერატონში“ „აღმოსავლეთ პარტნიორობის" კონფერენციის პარალელურად, სადაც აქცია მიმდინარეობს, შეკრებილებმა რუსეთის პრეზიდენტის, ვლადიმერ პუტინის ბანერი გამოფინეს საქართველოსა და უკრაინის დროშებით.

აქციის მონაწილეებმა პროტესტის ნიშნად ბანერს ფეხით გადაუარეს.

ამასთან, აქციის მონაწილეები კვლავ ითხოვენ საქართველოს შინაგან საქმეთა მინისტრის, გიორგი გახარიას გადადგომას.

„გახარია თვალთხარია უნდა გადადგეს და ამის შესახებ ახლოდან გვინდა გავაგებინოთ "ქართულ ოცნებას". ამიტომ ვიმყოფებით სასტუმრო „შერატონთან“, - აცხადებენ აქციის მონაწილეები.

იხილეთ ვიდეო