მიხეილ კალანდიას ოჯახი შს მინისტრის მოადგილის, ნათია მეზვრიშვილისგან ბოდიშის მოხდას ითხოვს

მიხეილ კალანდიას ოჯახი შს მინისტრის მოადგილის, ნათია მეზვრიშვილისგან ბოდიშის მოხდას ითხოვს.

როგორც ლუკა კალანდიამ ჟურნალისტებს განუცხადა, მეზვრიშვილის განცხადებიდან გამომდინარე, რომელიც მიხეილ კალანდიას მიმალვაზე საუბრობდა, სასამართლო არ ცვლის აღკვეთის ღონისძიებას და მისი ძმა პატიმრობაში რჩება. კალანდია ამბობს, რომ დაკავების დღეს მიხეილ კალანდია მიმალვას არ ცდილობდა და სასამართლოში მიდიოდა.

"თითოეულ სხდომაზე ჩვენ ველოდებით, რომ მიხეილი გამოვა გარეთ, ამიტომ დღესაც ეს მოლოდინი გვაქვს. მინდა მივმართო ნათია მეზვრიშვილს - მე მინდა, რომ მან მოიხადოს ბოდიში საჯაროდ იმ ცრუ განცხადებისთვის, რაც მან გააკეთა, რადგან მინისტრის მოადგილის რანგის ადამიანი არ უნდა აკეთებდეს არაკომპეტენტურ განცხადებას, რომელიც შემდგომ ჩემს ძმას აღკვეთის ღონისძიების შეცვლის საკითხში ხელს უშლის. ვგულისხმობ იმ განცხადებას, რომ მიხეილი ქალაქიდან გარბოდა. სინამდვილეში სასამართლოზე მოვდიოდით, ამის ცნობაც არსებობს, მტკიცებულებებიც. ამიტომ მოვითხოვ საჯაროდ მოიხადოს ბოდიში და გააკეთოს განცხადება, რომ არ ჰქონდა ინფორმაცია ან ცრუ ინფორმაცია მიაწოდეს, არ აქვს ჩემთვის მნიშვნელობა, თქვას რა და როგორ იყო და შემდეგ ვილაპარაკოთ დანარჩენზე. როდესაც მოსამართლე მსჯელობს აღკვეთის შეცვლაზე და ასაბუთებს იმით, რომ არსებობს მიმალვის საფრთხე, როცა წელიწადნახევარი ბავში აქ იყო, ქალაქში, არსად გადიოდა და ყველა პროცესზე ცხადდებოდა, რამ გამოიწვია ეს მიმალვის საფრთხე, ჩნდება ლოგიკური კითხვა?!", - განაცხადა ლუკა კალანდიამ.

დავით სარალიძის განზრახ ჯგუფურად დამამძიმებელ გარემოებებში მკვლელობის ბრალდებით დაკავებული მიხეილ კალანდიას ბრალდების სისხლის სამართლის საქმეზე დღეს სასამართლო პროცესი იმართება. დღევანდელ სხდომაზე მტკიცებულებების დასაშვებობაზე იმსჯელებენ.

ცნობისთვის, მიხეილ კალანდია ხორავას ქუჩაზე დავით სარალიძის ჯგუფურად დამამძიმებელ გარემოებებში ჩადენილი მკვლელობის ბრალდებით სამართალდამცავებმა 4 ივნისს დააკავეს. მიხეილ კალანდიას აღკვეთის ღონისძიების სახით პატიმრობა 6 ივნისს შეეფარდა.

იხილეთ ვიდეო

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია