დაანებონ თავი პარაზიტირებას ჩვენი გაჭირვებული თანამოქალაქეების ცხოვრებაზე. სცადეთ და ერთი, ორი ან სამი თვე იცხოვრეთ იმ ანაზღაურებით, რა ანაზღაურებაც ჩვენი მოქალაქეების 90%-ს აქვს და შემდეგ გააკეთეთ ეპატაჟური და უხამსი განცხადებები, - ამის შესახებ „ერთიანი საქართველო - დემოკრატიული მოძრაობის“ მთავარი საბჭოს წევრმა ანზორ ბიწაძემ რადიო „პალიტრის“ და „პალიტრანიუსის“ გადაცემა „შუადღის სტუდიაში“ განაცხადა.

ანზორ ბიწაძემ რუსეთის პრეზიდენტის განცხადების ორი მხარე განიხილა. სანქციების არდაწესებას ის პოზიტიურად აფასებს, თუმცა ვლადიმერ პუტინის მიერ აფხაზეთზე და „სამხრეთ ოსეთზე“ გაკეთებულ განცხადებასთან დაკავშირებით აცხადებს, რომ ეს იყო პოლიტიკური გზავნილი და არა ისტორიული ექსკურსი.

„როდესაც სახელმწიფო ლიდერები პოლიტიკურ ექსკურზე გადადიან ეს არასოდეს არ ხდება შემთხვევთ. ასეთი ისტორიული ექსკურსები ყოველთვის შეიცავს გარკვეულ მესიჯებს. ამიტომ რუსეთის პრეზიდენტის მხრიდანაც აფხაზეთზე და სამხრეთ ოსეთზე წარმოდგენილი ისტორიული ვერსია, იყო გზავნილი საქართველოს ხელისუფლებისადმი და ჩვენი პოლიტიკური სპექტრისადმი - თუ კი ქართულ-რუსული ურთიერთობები კვლავ ასეთ კრიზისში იქნება, კიდევ უფრო დამძიმდება აფხაზეთთან და სამაჩაბლოსთან მიმართებაში ჩვენი პერსპექტივები“, - განაცხადა ანზორ ბიწაძემ.

ინფორმაციას ფრაქცია „ერთიანი საქართველო დემოკრატიული მოძრაობის“ პრესსამსახური ავრცელებს.