პროკურორი - სასამართლომ დაადგინა, რომ მტკიცებულებები, ალბათობის მაღალი ხარისხით ადასტურებენ მიხეილ კალანდიას მხრიდან დანაშაულის ჩადენას

სასამართლომ იმსჯელა და დაადგინა, რომ არსებული მტკიცებულებები, ალბათობის მაღალი ხარისხით ადასტურებენ მიხეილ კალანდიას მხრიდან დანაშაულის ჩადენას და ამიტომ საქმეზე დაინიშნა არსებითი განხილვა, - ამის შესახებ მიხეილ კალანდიას საქმის პროკურორმა მირიან მეგრელიშვილმა განაცხადა. როგორც მან აღნიშნა, სასამართლომ სრული მოცულობით ცნო დასაშვებად ბრალდების მხარის მიერ წარდგენილი მტკიცებულებები.

„სასამართლომ მოისმინა მოსაზრებები მტკიცებულებების დასაშვებობასთან დაკავშირებით, გაითვალისწინა ბრალდების მხარის დასაბუთება და ჩვენი მტკიცებულებები სრული მოცულობით ცნო დასაშვებად. ასევე სასამართლომ იმსჯელა და დაადგინა, რომ არსებული მტკიცებულებები, ალბათობის მაღალი ხარისხით ადასტურებენ მ.კ.-ს მხრიდან დანაშაულის ჩადენას და არსებობს ვარაუდის მაღალი ხარისხი იმისა, რომ საქმეზე შესაძლოა დადგეს გამამტყუნებელი განაჩენი, ამიტომ საქმეზე დაინიშნა არსებითი განხილვა. სასამართლომ ასევე გადასინჯა აღკვეთის ღონისძიება, მიიჩნია ბრალდების მხარის არგუმენტები გასათვალისწინებლად და გაიზიარა ის მოცემულობა, რომ კვლავ არსებობდა რისკი ბრალდებულის მხრიდან მიმალვის, ახალი დანაშაულის ჩადენის, შესაბამისად, გამოყენებული აღკვეთის ღონისძიება ძალაში დარჩა“, - განაცხადა მირიან მეგრელიშვილმა.

საქმეზე პირველი არსებითი სხდომა თბილისის საქალაქო სასამართლოში 24 ივლისს, 11:00 საათზე ჩატარდება.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!