ჩუღურეთის რაიონში მრავალფუნქციური დასასვენებელი სივრცე მოეწყობა

ჩუღურეთის რაიონში, გროზნოს ქუჩაზე, 3000 კვადრატულ მეტრზე, თანამედროვე სტანდარტებით აღჭურვილი მრავალფუნქციური დასასვენებელი სივრცის მოწყობის სამუშაოები დაიწყო, - ამის შესახებ „ინტერპრესნიუსს“ თბილისის მერიიდან აცნობეს.

მათივე ინფორმაციით, პროექტის ფარგლებში ტერიტორიაზე საბავშვო ზონა, სპორტული მოედანი, გარე განათების სისტემა, საფეხმავლო და ველობილიკი მოეწყობა. გარდა ამისა, განთავსდება საბაღე სკამები, ტრიბუნები და საჩრდილობლები. ტერიტორია ყველა საჭირო ინვენტარით აღიჭურვება.

პროექტის თანახმად, დასასვენებელი სივრცე უსაფრთხოების მოაჯირებით შემოიფარგლება და გამწვანდება.

პროექტის დეტალები მოსახლეობას, ჩუღურეთის გამგებელმა ზურაბ ჩიკვილაძემ და საკრებულოს მაჟორიტარმა დეპუტატმა რიმა ბერაძემ გააცნეს.

ჩუღურეთის რაიონის გამგეობის დაკვეთით, სამუშაოებს შპს „არბა“ ასრულებს, პროექტის ღირებულება 503 330 ლარს შეადგენს და ის სექტემბრის ბოლოს დასრულდება.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 28.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
შეუდარებელი QLED 8K ტელევიზორი სამსუნგისგან
Jeep-ის ცენტრში დიდი ფასდაკლების აქცია დაიწყო