გერმანიის კანცლერმა ანგელა მერკელმა საკუთარი ჯანმრთელობის თაობაზე დღეს კომენტარი გააკეთა. როგორც ანგელა მერკელმა განაცხადა, სათანადოდ აფასებს იმ პასუხისმგებლობას, რასაც მისი თანამდებობა აკისრებს. მისივე თქმით, ის, როგორც ადამიანი დაინტერესებულია, რომ კარგად იყოს და შესაბამისად ზრუნავს საკუთარ ჯანმრთელობაზე.

მერკელის ჯანმრთელობის მდგომარეობის გარშემო კითხვები ბოლო კვირების განმავლობაში გაჩნდა. ოფიციალური ღონისძიებების დროს, ივნისის შუა რიცხვების შემდეგ ჯერ უკრაინის პრეზიდენტ ვლადიმირ ზელენსკის მასპინძლობისას, შემდეგ გერმანიის პრეზიდენტ ფრაკ ვალტერ შტაინმაიერთან და გუშინ ფინეთის პრემიერ-მინისტრ ანტი რინეს მიღების დროს, სამივეჯერ დიდხანს ფეხზე დგომისას, ის შეუძლოდ გახდა.

დღეს დანიის პრემიერ-მინისტრ მეტე ფრედერიკსენის მიღებისას პროტოკოლი შეცვალეს და გერმანიის კანცლერი დანიელ კოლეგასთან ერთად ჰიმნებს სავარძელში მჯდომარე ისმენდა.

ამ ინფორმაციას „როიტერი“ ავრცელებს.

იხილეთ ვიდეო