გიორგი გახარია - დავით გრიგორიანს ტყვია საერთოდ არ აქვს მოხვედრილი, გრიგორიანი  ამ მდგომარეობაში არის  ბლაგვი საგნით თავის არეში მიყენებული დაზიანებით

დავით გრიგორიანს ტყვია საერთოდ არ აქვს მოხვედრილი, გრიგორიანი ამ მდგომარეობაში არის ბლაგვი საგნით თავის არეში მიყენებული დაზიანებით. გრიგორიანმა როდის, სად და რა პირობებში მიიღო ეს დაზიანება, არის გამოძიების საგანი,- ამის შესახებ შს მინისტრმა გიორგი გახარიამ 20 ივნისის აქციაზე დაშავებულ ადამიანზე საუბრისას განაცხადა, რომელიც კომაში იმყოფებოდა.

„დავით გრიგორიანს ტყვია საერთოდ არ აქვს მოხვედრილი. როდესაც ვიღაც საუბრობს დათვის და კიდევ რაღაც ტყვიებზე, ეს სიცრუეა. ეს არის არალეტალური ტყვია, რომელიც გამოიყენება სამართალდამცველი სისტემის მიერ მასების მართვისთვის. ტყვიები, რომლებიც იყო გამოყენებული, არის სრულ შესაბამისობაში საქართველოს კანონმდებლობასთან. ეს ნარინჯისფერი ტყვია არის 2012 წელს შეძენილი. ამ ტყვიას ინსტრუქციაში უწერია, რომ მისი გამოყენების ეფექტური მანძილი არის 10 მეტრიდან. შინაგან საქმეთა მინისტრის ბრძანებით პოლიციელებს აქვთ მითითება, რომ ეს ტყვია იყოს გამოყენებული 20 მეტრიდან. ამ ტყვიის დამიზნება შეუძლებელია. გრიგორიანი არის ამ მდგომარეობაში ბლაგვი საგნით თავის არეში მიყენებული დაზიანებით. გრიგორიანმა როდის, სად და რა პირობებში მიიღო ეს დაზიანება, არის გამოძიების საგანი“,- განაცხადა გახარიამ „ტვ პირველის“ ეთერში.

მისივე თქმით, დღეს სამედიცინო დაწესებულებებში 20 ივნისს დაშავებული მხოლოდ ორი ადამიანი რჩება.

„საბედრნიეროდ, ზოგიერთ ვაი პოლიტიკოსს რა დონეზეც არ უნდა სდომებოდა, რომ ეს აქცია და ღონისძიება დასრულებულიყო კიდევ უფრო მძიმე შედეგებით, საბედნიეროდ, ჩვენი სამედიცინო სისტემის თანამშრომლებს უნდა გადავუხადოთ მადლობა, რომ დღეს სამედიცინო სისტემაში გვყავს მხოლოდ ორი ადამიანი, რომელთა მდგომარეობაც არის სტაბილური“,- განაცხადა გახარიამ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს