სოფიო ქაცარავა - ახლა მნიშვნელოვანია, ჩვენ და ევროკავშირს გვქონდეს საერთო ხედვა ჩვენი ქვეყნის ევროპული მომავალზე

საგარეო ურთიერთობათა კომიტეტის თავმჯდომარემ სოფიო ქაცარავამ, ბათუმის საერთაშორისო კონფერენციის „ ღირებული პარტნიორობის 10 წელი - განვლილი გზა და პერსპექტივები“ ფარგლებში, მონაწილეობა მიიღო სესიაზე: „2020 წელი - 20 მიზანი პარტნიორთა გასაძლიერებლად“. როგორც „ინტერპრესნიუსს“ პარლამენტის პრესსამსახურიდან აცნობეს, სესიის მონაწილეებმა შეაფასეს აღმოსავლეთ პარტნიორობის ინიციატივის ფარგლებში განხორციელებული მიღწევები, არსებული გამოწვევები და სამომავლო გეგმები.

სოფიო ქაცარავამ თავის გამოსვლაში ყურადღება გაამახვილა აღმოსავლეთ პარტნიორობის მნიშვნელობაზე, როგორც ეფექტური და პროგრესულ პოლიტიკურ ინიციატივაზე, რომელიც მზარდ ზეგავლენას ახდენს წევრი ქვეყნების სამომავლო დღის წესრიგზე. ხაზი გაუსვა მდგრადობის და უსაფრთხოების უზრუნველყოფის საკითხებს ასევე, სტრატეგიული კომუნიკაციების ჩამოყალიბების მნიშვნელობას.

„პრაქტიკული ინტეგრაცია ევროკავშირში არის ძალიან მნიშვნელოვანი ჩვენთვის. აღმოსავლეთ პარტნიორობის 10 წლის თავზე ჩვენ ვხედავთ პროგრესს, და ახლა მნიშვნელოვანია, ჩვენ და ევროკავშირს გვქონდეს საერთო ხედვა ჩვენი ქვეყნის ევროპული მომავალზე და თუ რა ნაბიჯები უნდა გადავდგათ მომავალში. მიუხედავად არსებული პრობლემებისა, სირთულეებისა, უნდა ვიცოდეთ რა სიახლეებს უნდა ველოდოთ 2020 წლისთვის, როგორ შეიძლება რომ ევროკავშირმა საქართველოს შემატოს მედეგობა, თანმიმდევრული მიდგომები და გვიჩვენოს სამომავლო ხედვები“,- განაცხადა სოფიო ქაცარავამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს