მსოფლიო ბანკი საქართველოში ადამიანური კაპიტალის განვითარებისკენ მიმართულ ძალისხმევას მხარს დაუჭერს

განათლების მასშტაბურ რეფორმასა და ქვეყანაში ინოვაციების განვითარების ხელშესაწყობად გადადგმულ ნაბიჯებზე ესაუბრა საქართველოს პრემიერ-მინისტრი მამუკა ბახტაძე მსოფლიო ბანკის რეგიონულ დირექტორს სამხრეთ კავკასიაში სებასტიან მოლინეუსს ბათუმის საერთაშორისო კონფერენციის ფარგლებში გამართულ შეხვედრაზე. როგორც „ინტერპრესნიუსს“ პრემიერის პრესსამსახურიდან აცნობეს, შეხვედრაზე ხაზი გაესვა საქართველოს მთავრობასა და მსოფლიო ბანკს შორის არსებულ მჭიდრო თანამშრომლობას და საინვესტიციო პროექტებს, რომლებიც საქართველოში მსოფლიო ბანკის ფინანსური მხარდაჭერით ხორციელდება.

მთავრობის მეთაურმა მსოფლიო ბანკის რეგიონულ დირექტორს დეტალური ინფორმაცია მიაწოდა განათლების სფეროში დაგეგმილ მაშსტაბურ რეფორმაზე, რომლის თანახმად აღნიშნული სექტორის დაფინანსებაზე ყოველწლიურად მთლიანი შიდა პროდუქტის 6% მიიმართება, რაც სახელმწიფო ბიუჯეტის მეოთხედია.

ყურადღება გამახვილდა ადამიანური კაპიტალის განვითარების მნიშვნელობაზე. სებასტიან მოლინეუსმა აღნიშნა, რომ მსოფლიო ბანკი ამ მიმართულებით საქართველოს მთავრობის ძალისხმევას მხარს დაუჭერს, რათა ქვეყანა ამ კუთხით რეგიონის ლიდერი გახდეს.

შეხვედრისას ასევე ხაზი გაესვა ინოვაციების განვითარების ხელშეწყობის აუცილებლობას და დადებითად შეფასდა ის რეფორმები, რომლებსაც საქართველოს მთავრობა ამ მიმართულებით ახორციელებს.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა