კონსტანტინ კოსაჩოვი - ქართველ პარლამენტარებს 15 ივლისს შევხვდებით
რუსეთის პარლამენტის ფედერაციის საბჭოს საერთაშორისო კომიტეტის თავმჯდომარე კონსტანინ კოსაჩოვი და მისი პირველი მოადგილე ვლადიმირ ჯაბაროვი ქართველ პარლამენტართა დელეგაციას 15 ივლისს შეხვდებიან. ამის შესახებ „რია ნოვიოსტის“ თვით კოსაჩოვმა განუცხადა.
„საქართველოს დელეგაციას ორშაბათს შევხვდებით, განვიხილავთ მიმდინარე ურთიერთობებს ქვეყნებს შორის და კრიზისის გადალახვის პერსპექტივას, მათ შორის საპარლამენტთაშორისო დიალოგის აწყობის გზით“, განაცხადა კოსაჩოვმა.
ქართველ დეპუტატთა ჯგუფი „პატრიოტთა ალიანსის“ დეპუტატის გიორგი ლომიას ხელმძღვანელობით მოსკოვში კვირას, 14 ივლის ჩადის. მათ შეხვედრები ექნებათ სახელმწიფო სათათბიროშიც.
