სოფიო ქაცარავა - ყველა ჩვენი პარტნიორი აღიარებს, რომ საქართველო არის ლიდერი ქვეყანა აღმოსავლეთ პარტნიორობის ინიციატივის ფარგლებში

საგარეო ურთიერთობათა კომიტეტის თავმჯდომარემ, სოფიო ქაცარავამ, ბათუმში მიმდინარე საერთაშორისო კონფერენციის პარალელურად, გერმანიის ბუნდესტაგის წარმომადგენლებთან და ჩეხეთის რესპუბლიკის სენატის საგარეო საქმეთა, თავდაცვის და უსაფრთხოების კომიტეტის თავმჯდომარესთან, პაველ ფიშერთან, ასევე ესტონეთის და რუმინეთის საგარეო კომიტეტების თავმჯდომარეებთან, მონტენეგროს საგარეო საქმეთა სამინისტროს სახელმწიფო მდივანთან ორმხრივი შეხვედრები გამართა.

საქართველოს პარლამენტის პრესსამსახურის ინფორმაციით, შეხვედრების მთავარი თემა იყო აღმოსავლეთ პარტნიორობის ინიციატივა, მისი გავლენა წევრ ქვეყნებზე და ის შედეგები, რომელსაც საქართველომ ამ ინიციატივის ფარგლებში, ბოლო 10 წლის განმავლობაში მიაღწია.

სოფიო ქაცარავამ სტუმრებს ევროპულ და ევროატლანტიკურ სტრუქტურებში გაწევრიანების გზაზე, საქართველოს მიერ მიღწეულ პროგრესსა და სამომავლო გეგმებზე ინფორმაცია მიაწოდა. „ბათუმის კონფერენცია არის ძალიან მნიშვნელოვანი ღონისძიება, როგორც შინაარსობრივად, ასევე ყველა იმ სტუმრის გათვალისწინებით, რომელიც ამ კონფერენციაში იღებს მონაწილეობას. ყველა ჩვენმა პარტნიორმა ქვეყანამ კიდევ ერთხელ დაგვიდასტურა მათი მხარდაჭერა ჩვენს მიერ არჩეულ საგარეო პრიორიტეტებზე და ხაზი გაუსვა, რომ საქართველო არის ლიდერი ქვეყანა აღმოსავლეთ პარტნიორობის ინიციატივის ფარგლებში“, - განაცხადა სოფიო ქაცარავამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს