ნაზი ჯანეზაშვილი - ჩვენი ძალისხმევის შედეგია, რომ იუსტიციის საბჭომ ინფორმაციის გასაჯაროებაზე გადაწყვეტილება მიიღო - ყვავს გავაგდებინეთ კაკალი

ჩვენი ძალისხმევის შედეგია, რომ ინფორმაციის გაცემაზე იუსტიციის უმაღლესმა საბჭომ საბოლოო ჯამში გადაწყვეტილება მიიღო - გამოვიდა ისე, რომ ყვავს გავაგდებინეთ კაკალი", - ამის შესახებ იუსტიციის უმაღლესი საბჭოს არამოსამართლე წევრმა, ნაზი ჯანეზაშვილმა სხდომის დასრულების შემდეგ განაცხადა.

მან ისაუბრა უზენაესი სასამართლოს მოსამართლეობის კანდიდატების შესახებ ინფორმაციის გასაჯაროების საკითხზე და აღნიშნა, რომ ეს პროცესში მიღებული ერთადერთი სწორი გადაწყვეტილებაა.

„იუსტიციის უმაღლესმა საბჭომ მიიღო გადაწყვეტილება, რომ ის ინფორმაცია, რომელიც დაახლოებით თვენახევრის წინ მოითხოვეს ორგანიზაციებმა, გახდეს საჯარო. ანუ, 137 კანდიდატის შესახებ ყველა ის განაცხადი და თანდართული დოკუმენტი, რომელიც მათ წარმოადგინეს, იქნება გადაცემული იმ ორგანიზაციებისთვის, რომლებმაც მოითხოვეს ეს ინფორმაცია. თუმცა რეალურად ეს ჩვენი დიდი ძალისხმევის შედეგია. მოგეხსენებათ, რამდენიმე დღის წინ რა დისკუსია და ცხარე კამათი გაიმართა სწორედ ამ თემასთან დაკავშირებით და მე ვფიქრობ, ამ ძალისხმევის შედეგია, რომ საბოლოო ჯამში ინფორმაციის გაცემაზე იუსტიციის უმაღლესმა საბჭომ მიიღო გადაწყვეტილება. რეალურად, გამოვიდა ისე, რომ ყვავს გავაგდებინეთ კაკალი. ამ პროცესში მიღებული ერთადერთი სწორი გადაწყვეტილება ეს იყო, დანარჩენი, რაზეც ჩვენ ვამბობთ, რომ უნდა შეწყდეს კონკურსი, ის პრობლემები კვლავ ღიად რჩება. თუნდაც დღეს ვნახეთ ის, რომ ირაკლი შენგელია და თამარ ონიანი, რომელთა ახლო ნათესავებიც მონაწილეობენ ამ კონკურსში, ამ საჯარო ინფორმაციის გაცემაზეც ჩვეულებრივად დისკუსიობდნენ და იღებდნენ მონაწილეობას. აქაც არის ინტერესთა კონფლიქტი, რადგან მათ მიერ გამოთქმული ნებისმიერი აზრი აღიქმება ისე, რომ ისინი შესაძლოა, მოქმედებდნენ იმ ინტერესებიდან გამომდინარე, რომელიც უკავშირდება მათი ახლო ნათესავების მონაწილეობას ამ კონკურსში. ამიტომ, პრობლემები კვლავ რჩება, თუმცა კარგია, რომ ეს ინფორმაცია გაიცემა საჯაროდ, რაც იმ დიდი ძალისხმევის შედეგია, რომელიც განვითარდა თუმდაც ამ კვირის განმავლობაში საბჭოს სხდომებზე", - აღნიშნა ჯანეზაშვილმა.

შეგახსენებთ, იუსტიციის უმაღლესი საბჭოს საბჭოს წევრებმა უზენაესი სასამართლოს მოსამართლეობის კანდიდატების შესახებ ინფორმაციის გასაჯაროებას მხარი 11 წევრის თანხმობით დაუჭირეს, ხოლო 2 წევრი აღნიშნულის წინააღმდეგ წავიდა.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)