საქართველოს საგარეო უწყებასა და სერბეთის რესპუბლიკის ევროინტეგრაციის სამინისტროს შორის მემორანდუმი გაფორმდა

„ბათუმის საერთაშორისო კონფერენციის“ ფარგლებში, საქართველოს საგარეო საქმეთა სამინისტროსა და სერბეთის რესპუბლიკის ევროინტეგრაციის სამინისტროს შორის, ევროპული ინტეგრაციის სფეროში თანამშრომლობის შესახებ ურთიერთგაგების მემორანდუმს მოეწერა ხელი.

საგარეო საქმეთა სამინისტროს ინფორმაციით, საქართველოს მხრიდან მემორანდუმს ხელი მოაწერა საგარეო საქმეთა მინისტრმა დავით ზალკალიანმა, სერბეთის მხრიდან კი - ევროპული ინტეგრაციის მინისტრმა იადრინკა იოქსიმოვიჩმა.

„ჩვენ მტკიცედ ვუჭერთ მხარს საქართველოს ევროპულ მისწრაფებებს, სწორედ ამიტომ, ჩვენ ჩამოვედით აქ, ამ კონფერენციაზე, ხელი მოვაწერეთ შეთანხმებას, რომელიც შეეხება სასწავლო მიზნით ვიზიტების, გამოცდილების გაცვლას, ევროპული ინტეგრაციის შესახებ ჩვენი გამოცდილების საქართველოსთვის გაზიარებას. სერბეთიც და საქართველოც ევროპის სხვადასხვა ნაწილში გეოპოლიტიკურად რთულ რეგიონებში მდებარე ქვეყნები არიან. ჩვენთვის თანამშრომლობა და ევროპული მომავალი ერთადერთი გონივრული გზაა ჩვენი ხალხის უკეთესი ცხოვრებისთვის“, - განაცხადა სერბეთის ევროპული ინტეგრაციის მინისტრმა.

სერბეთის ევროპული ინტეგრაციის მინისტრმა მონაწილეობა მიიღო ბათუმის საერთაშორისო კონფერენციის ფარგლებში გამართული სესიაში- სიცოცხლე ასოცირების შემდეგ: უფრო მაღალი მიზნის ძიებაში.​

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 21.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით