სალომე ზურაბიშვილი - ევროკავშირი მხოლოდ პერსპექტივა არ არის

რა სიძნელეებიც არ უნდა შეგვხვდეს, საქართველოს არასდროს შეუწყვეტია ევროპული კავშირისკენ სწრაფვა. ასე უპასუხა საქართველოს პრეზიდენტმა სალომე ზურაბიშვილმა „დოიჩე ველესთან“ ინტერვიუში კითხვას, როგორ ახერხებთ, ერთი მხრივ, ქართული საზოგადოების ევროპული ამბიციების და მეორე მხრივ, საბჭოთა წარსულსა და რუსეთთან კავშირებს შორის ბალანსის დაცვას?

ზურაბიშვილის თქმით, ევროპული კავშირი მხოლოდ პერსპექტივა არ არის.

„ძალიან მარტივად, რადგან არსებობს მხოლოდ ერთი პერსპექტივა - კავშირები უნდა შენარჩუნდეს. წარსულის მემკვიდრეობას ნელ-ნელა ვლახავთ და წინ მივიწევთ. თუმცა, ქვეყნის პერსპექტივები დღეისთვის ნათელია: დამოუკიდებლობის მოპოვების შემდეგ, საქართველომ დაიწყო პროცესი, რომელიც, თავდაპირველად, ნელა მიდიოდა, შემდეგ კი, დაჩქარდა და ბოლოს და ბოლოს გადაიქცა თანმიმდევრულ მოძრაობად ევროპული კავშირისკენ. ეს არ ნიშნავს, რომ ყველაფერი უღრუბლოდ ხდება. ჩვენ წინ გვეღობება უამრავი სიძნელე. ჩვენ გვქონდა გაყინული კონფლიქტები და გვქონდა ომი 2008 წელს. ჩვენი ტერიტორიის 20 პროცენტი ოკუპირებულია - გამყოფი ხაზი დაძაბულობის მუდმივი წყაროა. ცოტა ხნის წინ, ამ ნიადაგზე წარმოიშვა რუსეთთან უთანხმოება. თუმცა, რა სიძნელეებიც არ უნდა შეგვხვდეს, საქართველოს არასდროს შეუწყვეტია ევროპული კავშირისკენ სწრაფვა. ვიმეორებ, ეს მხოლოდ პერსპექტივა არ არის. ეს ქართული კულტურის და ისტორიის განუყოფელი ნაწილია. ქართველები თავს ევროპელებად გრძნობენ და ქვეყანა დღეს იმ მიმართულებით მიდის, რომელი მიმართულებითაც უნდა მოძრაობდეს.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 25.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს