პარლამენტის წინ აქცია 13 ივლისს 19:00 საათზე განახლდება

პარლამენტის წინ შს მინისტრის გიორგი გახარიას გადადგომის მოთხოვნით აქცია დასრულდა. დღეს აქციაზე გამომსვლელებმა შს მინისტრის ინტერვიუ შეაფასეს და აღნიშნეს, რომ გიორგი გახარიამ საზოგადოებას ტყუილები უთხრა, ამიტომ მას აუცილებლად მოუწევს პასუხისმგებლობის აღება და თანამდებობის დატოვება.

აქციის ორგანიზატორებმა, ვიდეორგოლიც აჩვენეს, რომელშიც შსს მინისტრის ინტერვიუში მათ მიერ აღმოჩენილ 12 ტყუილზე იყო საუბარი. პარლამენტის წინ აქცია 13 ივლისს, 19:00 საათზე განახლდება.