საქართველოს პრეზიდენტი სალომე ზურაბიშვილი სვეტიცხოვლის ტაძარში სადღესასწაულო წირვას ესწრება. წირვას სრულიად საქართველოს კათოლიკოს-პატრიარქი, ილია მეორე აღავლენს.
სადღესასწაულო წირვას ასევე ესწრებიან წმინდა ნინოს გზაზე მსვლელობაში მონაწილეები, რომელთაც პატრიარქისგან საპატიო სიგელები გადაეცემათ.
შეგახსენებთ, რომ წმინდა ნინოს გზაზე მსვლელობა პირველ ივნისს, ჯავახეთიდან, ფარავნის ტბიდან დაიწყო და მასში პრეზიდენტთან ერთად 300-ზე მეტი, როგორც საერო, ისე სასულიერო პირი იღებდა მონაწილეობას.