კახა კალაძე პუტინის განცხადებაზე - ამას მარტო განცხადებები კი არა, განცხადებები და ქმედებები უნდა მოჰყვეს ჩვენი მხრიდან

პუტინის განცხადებას ჩვენი მხრიდან ქმედებები უნდა მოჰყვეს, - ამის შესახებ თბილისის მერმა კახა კალაძემ ჟურნალისტებთან საუბარში განაცხადა.

როგორც კალაძემ აღნიშნა, პუტინი არასწორ ინფორმაციას აწვდის მოსახლეობას და ამიტომ მომავალ თაობას უნდა ავუხსნათ რა მოხდა რეალურად წარსულში.

„პირველი შემთხვევა არ არის, როდესაც ეს ადამიანი აკეთებს ასეთ განცხადებებს და არასწორ ინფორმაციას აწვდის მოსახლეობას. ჩვენ ძალიან კარგად ვიცით ჩვენი ისტორიაც და კარგად ვიცით ყველა ის ისტორიული ფაქტი, რაც ხდებოდა საუკუნეების განმავლობაში. ის, ცხადია, თავის პოლიტიკას ატარებს და ამბობს იმ არასწორ ფაქტებს, რაც მას სურს, მაგრამ ჩვენ უნდა ავუხსნათ ჩვენს შვილებს, ჩვენს მომავალ თაობებს რეალურად რა და როგორ იყო, ეს არის მნიშვნელოვანი,” - განაცხადა კალაძემ.

კითხვაზე, უნდა მოჰყვეს თუ არა ამ ყველაფერს ხელისუფლების მხრიდან რეაგირება და სათანადო განცხადებები, კალაძემ ასე უპასუხა: „ამას მარტო განცხადებები არა, რა თქმა უნდა, განცხადებები და ქმედებები უნდა მოჰყვეს ჩვენი მხრიდან“.

როგორც პუტინმა რუს ჟურნალისტებს განუცხადა, „პირველი მსოფლიო ომის შემდეგ, საქართველომ სცადა აფხაზეთის გადაყლაპვა, შეიქმნა საქართველოს დამოუკიდებელი სახელმწიფო და გერმანიის ჯარების დახმარებით 1918 წელს საქართველომ მოახდინა აფხაზეთის ოკუპაცია“. რაც შეეხება ცხინვალის რეგიონს, პუტინის განმარტებით, 1919-1920 წლებში საქართველომ სამხრეთ ოსეთში გენოციდი მოაწყო.

იხილეთ ვიდეო

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 19.04.2021
ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა