პროკურორი ხატია დეკანოიძის დაკითხვაზე - სხდომა საჯარო ვერ იქნება - კითხვები იქნება ყველა იმ ფაქტზე, რასაც გამოძიება მიზანშეწონილად მიიჩნევს

კითხვები იქნება ყველა იმ ფაქტთან დაკავშირებით, რასაც გამოძიება მიზანშეწონილად მიიჩნევს, - ამის შესახებ ჟურნალიატებს ხატია დეკანოიძის დაკითხვასთან დაკავშირებით პროკურორმა შმაგი გობეჯიშვილმა განუცხადა.

როგორც ის განმარტავს, სხდომა საჯარო ვერ იქნება, ვინაიდან კანონით ეს გათვალისწინებული არ არის.

"რაც შეეხება კითხვებს, გამოძიება დასვამს ყველა იმ კითხვას, რომელიც მიზანშეწონილად იქნება მიჩნეული. რაც შეეხება შინაარსობრივ ნაწილს, გამოძიების ინტერესებიდან გამომდინარე , შინაარსზე, ფაქტებზე ამ ეტაპზე ვერ ვისაუბრებ. გამოძიება მიმდინარეობს სისხლის სამართლის კოდექსის 225-ე და 315-ე მუხლებით, შესაბამისად, კითხვები იქნება ყველა ფაქტთან დაკავშირებით, რასაც გამოძიება მიზანშეწონილად მიიჩნევს. რაც შეეხება გამოკითხვის საჯაროობას, ბრალდების მხარის პოზიცია არაა, რომ პროცესი დაიხუროს, ეს არის იმპერატიული მოთხოვნა სისხლის სამართლის კოდექსის 115-ე მუხლის მე-12 ნაწილის მიხედვით. აღნიშნული სხდომა ტარდება დახურულ რეჟიმში", - განაცხადა შმაგი გობეჯიშვილმა.

ცნობისთვის, ოპოზიციონერი ლიდერები - ხატია დეკანოიძე, გუბაზ სანიკიძე, ირაკლი ღლონტი და ბაჩუკი ქარდავა შს სამინისტრომ გამოკითხვაზე 12 ივლისს დაიბარა. ისინი სსკ-ის 225-ე მუხლით მიმდინარე გამოძიების ფარგლებში, რაც ჯგუფური ძალადობის ორგანიზებას, ხელმძღვანელობას ან მასში მონაწილეობას გულისხმობს, მოწმის სახით არიან გამოკითხვაზე დაბარებული.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!