ნეპალში სტიქიის შედეგად 32 ადამიანი დაიღუპა

ნეპალში ორდღიანმა კოკისპირულმა წვიმებმა წყალდიდობა და მეწყერი გამოიწვია. შედეგად დაიღუპა 32, დაშავდა 12 და უკვალოდ დაკარგულად მიიჩნევა 17 ადამიანი. სტიქია ნეპალის 21 რაიონს შეეხო. ქვეყნის პოლიციამ მასშტაბური სამაშველო ოპერაცია ქვეყნის მასშტაბით დაიწყო. ამ მიზნით 28 ათასი თანამშრომელია მობილიზებული.

ამ ინფორმაციას სააგენტო „სინხუა“ ავრცელებს.