მამუკა მდინარაძე - „ნაცმოძრაობა“ ცდილობს, ვიდეოჩანაწერიდან ამოიღოს ერთი მომენტი და ისე წარმოაჩინოს, თითქოს ამით მტკიცდება დანაშაული ან უდანაშაულობა

„ნაციონალური მოძრაობა“ ცდილობს, რამდენიმესაათიანი ვიდეოჩანაწერიდან ამოიღოს ერთი მომენტი და ეს წარმოაჩინოს ისე, თითქოს ამით მტკიცდება დანაშაული ან უდანაშაულობა, - ამის შესახებ პარლამენტის ფრაქცია „ქართული ოცნების“ თავმჯდომარემ მამუკა მდინარაძემ, ნიკა მელიას მიერ გავრცელებული ვიდეოსა და პროკურატურის განცხადების შეფასებისას განაცხადა. როგორც მდინარაძემ აღნიშნა, „ნაციონალური მოძრაობის“ უცვლელი სტილი საზოგადოებრივ აზრზე ძალადობა და ტყუილია.

„საზოგადოებამ, ჩვენ, ყველამ, უკვე ძალიან კარგად ვიცით, რომ „ნაციონალური მოძრაობის“ უცვლელი სტილია ძალადობა საზოგადოებრივ აზრზე და ტყუილი. ამ სერიიდან არის ეს ყველაფერიც. ჩვენ გვახსოვს, რამდენიმე დღის წინ საზოგადოებას უმტკიცებდნენ და ატყუებდნენ, თითქოს პარლამენტმა დააპატიმრა ნიკა მელია, ლამის ამ კონტექსტში აიყვანეს ეს ყველაფერი და მეორე დღესვე აღმოჩნდა, რომ ნიკა მელია თავისუფალია, აღკვეთის ღონისძიების არასაპატიმრო სახე აქვს შეფარდებული. იგივეა პრაქტიკულად დღეს ცდილობენ, რომ რამდენიმე საათიანი ვიდეოჩანაწერიდან ამოიღონ ერთი მომენტი და ეს გამოაჩინონ ისე, თითქოს ამით მტკიცდება ან დანაშაული, ან უდანაშაულობა, ამას უკვე მნიშვნელობა აღარ აქვს. ცალსახა ტყუილია ის, რომ ამ ჩანაწერის რამდენიმეწუთიანი მონაკვეთიდან შეიძლება რაღაც დასკვნები გამოიტანო, საზოგადოებამ უნდა გამოიტანოს დასკვნა, რომ თითქოს ვიღაც ჩაგრავს ნიკა მელიას, ეს ასე ბუნებრივი არ არის. საზოგადოებამ პირდაპირ ეთერში ნახა სხვა კადრებიც, თუმცა ცალკე აღებული არც ერთი კადრით არ შეიძლება რაიმე დასკვნის გამოტანა, მის დანაშაულსა თუ უდანაშაულობაზე მხოლოდ სასამართლო იმსჯელებს უტყუარი მტკიცებულებების საფუძველზე. აქედან გამომდინარე, ესეც მორიგი სპეკულაცია, მორიგი მანიპულაცია და მორიგი ძალადობაა საზოგადოებრივ აზრზე“, - განაცხადა მამუკა მდინარაძემ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს