პარლამენტის წინ აქციის ფარგლებში სტარტაპერები გამოფენა-გაყიდვას აწყობენ. 40 -მდე დამწყები ბიზნესმენი შემოსული თანხის 20%-ს აქციების ორგანიზებისათვის გამოყოფილ ანგარიშზე ნებაყოფლობით ჩარიცხავს.

როგორც აქციის ორგანიზატორები განმარტავენ, ისინი პროტესტს სხვადასხვა ფორმებით მანამდე გააგრძელებენ, სანამ მათი მთავარი მოთხოვნა არ დაკმაყოფილდება და შს მინისტრი გიორგი გახარია თანამდებობას არ დატოვებს.

„25 დღის განმავლობაში ჩვენი ანგარიშის ნომერი საჯაროა და ნებისმიერ ადამიანს და გულშემატკივარს აქვს საშუალება, ჩაგვირიცხოს თანხა და დაეხმაროს აქციას, რათა ფინანსურად იყოს ორგანიზებული. დღეს გადავწყვიტეთ ჩავატაროთ "ფლი მარკეტი", სადაც 40- ამდე კომპანია და სტარტაპერი იღებს მონაწილეობას ისინი გაყიდიან თავიანთ ხელნაკეთ პროდუქციას, ანტიოკუპაციური სიმბოლიკის აქსესუარებს და შემოსული თანხის 20% ნებაყოფლობით იქნება ჩარიცხული აქციის საორგანიზაციო ჯგუფის ანგარიშზე.", - განაცხადა აქციის ერთ-ერთმა ორგანიზატორმა თათუშა არველაძემ.