პარლამენტის შენობის წინ აქცია დასრულდა. აქციაზე შეკრებილმა კიდევ ერთხელ მოუწოდეს შს მინისტრს გიორგი გახარიას, რომ თანამდებობა დატოვოს. ორგანიზატორების განცხადებით, აქცია 15 ივლისს, 19:00 საათზე განახლდება, თუმცა რა ფორმატით, ჯერ უცნობია.
სიტყვით გამოსვლების პარალელურად, აქციაზე დღეს „ფლი მარკეტი „გაიმართა, რომელზეც 40-მდე სტარტაპერმა ხელნაკეთი ნივთები და ანტისაოკუპაციო აქსესუარები წარმოადგინეს. გაყიდვიდან შემოსული თანხის 20% აქციის საორგანიზაციო ფონდის ანგარიშზე ჩაირიცხება.